Хамгийн сонирхолтой нь түүний Мюнхен дахь гэрийг нэгжихэд 1500 орчим эртний алдарт зураачдын зурсан зурагнууд байжээ. Зургуудын дунд Пабло Пикассо, Анри Матисса, Марка Шагала, Эмиля Нольде зэрэг алдарт зураачдын зургууд байсан аж.

Энэ бол мэдээж Дэлхийн хоёр дугаар дайны үед Фашистуудын гарт орсон үнэ цэнэтэй ховор бүтээлүүд юм. “Focus” сэтгүүл 2013 оны 11 сарын 3-нд гарсан дугаартаа: “Эдгээр зургуудын талаар аль 2011 онд мэдээлэл гарч байсан ч хаана байгаа, хэн зараад байгаа нотлох баримт байхгүй байсан” – хэмээн бичжээ.

30-40-өөд онд эдгээр зургуудыг Хильдебранд Гурлитт хэмээх ховор зүйлс цуглуулагч бүгдийг нь худалдан авсан байжээ. Харин түүний хүү нь 50 жилийн туршид зургуудыг хадгалж, бага багаар зардаг байжээ. Ингээд их хэмжээний мөнгө биедээ авч явсан хүү мөнгөнөөсөө болоод гаалийнхны хараанд өртөж зургийн нууц тайлагдсан байна.