“МОНГОЛЫН САЙХАН ОРОН” Үндэсний баяр наадмын үзэсгэлэнгийн удирдамж

Зорилго. Тулгар төр байгуулагдсаны 2222 жил, Их Монгол Улс байгуулагдсаны 807 жил, Ардын Хувьсгалын 92 жилийн ойн баяр наадамд зориулан Монгол орны үзэсгэлэнт байгаль түүний дахин давтагдашгүй дүр төрхийг сонин содон өнцгөөс фото зургийн хальснаа буулгасан агшин, мөн өнгө будгийн хослолоор байгалийн сайхныг урлагийн гайхамшигт бүтээл болгон хувиргасан уран бүтээлчдийн бүтээлүүдийг олон нийт, наадамчин олон, гадаад дотоодын зочид төлөөлөгчдөд дэлгэн үзүүлэх сурталчилан таниулах зорилготой юм.

Үзэсгэлэнд оролцох бүтээлд тавигдах шаардлага
1 уран бүтээлч 1-5ш бүтээлээр оролцох боломжтой бөгөөд бүтээл нь ямар нэгэн байдлаар хуулбарлагдаагүй “эх” бүтээл байна.

Уран зураг: Дотуур гадуур рам үзэмжтэй,чанартай байна.

Фото зураг: Гадуур жаазтай шилгүйгээр шийдсэн байх бөгөөд өндөр нягтралтай 300 dpi нягтралтай байна. Жич: Хэмжээ 40х60см дээш, 150-150см-ээс бага

Бүтээл хүлээн авах хугацаа: Уран бүтээлчдийн бүтээлийг 2013 оны 07 сарын 04-06 өдрүүдэд 10-17 цагийн хооронд МУЗГ-д хүлээн авна.

Шагнал: Шалгарсан шилдэг фото болон уран зураг нь өндөр шагналтай. /Зөвхөн нэгдүүгээр байр шалгаруулна /

Үзэсгэлэнгийн нээлт: 2013.07.09-нд 16 цагт МУЗГалерейн үзэсгэлэнгийн танхимд болно.

Үзэсгэлэн үргэлжлэх хугацаа: 2013 оны 07 сарын 09 – 19 ний хооронд Монголын уран зургийн галерейн үзэсгэлэнгийн танхимд олны хүртээл болно.

Үзэсгэлэн дууссаны дараа: Уран бүтээлчидэд бүтээлүүдийг нь 7 сарын 20-нд буцаан олгоно.

Хаяг: СБД 8-р хороо Сүхбаатарын талбай-3
СТӨ “Б” корпус
Холбоо барих утас: 331687, 98830333
Web: www.art-gallery.mn