2013 оны 2 сарын 22-нд Ник Facebook-тээ хүүтэйгээ хамт авахуулсан зургаа оруулж “Мөрөөдөл биелдэг юм байна. Хүү Кийошигийнхаа хамтаар. Тэр бол бурхнаас бидэнд илгээсэн бэлэг юм. Миний төлөө залбирч байсан та бүхэнд баярлалаа” -гэсэн тайлбар бичсэн байжээ.

Ник номлогч бөгөөд өөрийн номлолоороо дэлхий дахинд алдартай болсон нэгэн билээ. Ник нь Сербийн цагаачдын гэр бүлд төрсөн бөгөөд төрөхдөө л дөрвөн мөчгүй, хоёр хуруутай ганцхан тавхайтай байсан аж. Энэ тавхайныхаа тусламжтайгаар тэр ажлаа хийж, усанд сэлж, нүүр гараа угааж, скэйт унаж сурсан байна. Никийн эцэг эх түүнийг энгийн хүүхдүүдтэй сургуульд өгөхөөр бат шийджээ.

1990 онд Ник өөрийн энэ байдалд урам нь хугарч амиа хорлохыг завдаж байсан ч бүх зовлонг давж туулан, элэг бүтэн сайхан амьдрах болсон юм. 7-р ангидаа ангийн дарга болж сайн үйлсийн аян ихээр зохион байгуулах болжээ. Харин 1999 оноос эхлэн сургуулийнхаа сүмд номлогч хийж эхэлсэн юм. Энэ үедээ “Life without Limbs” хэмээх бүлгэмийг байгуулжээ. 2005 онд “Оны шиллдэг Австрали залуу” болж, 2009 онд “The Butterfly Circus” хэмээх хөгжлийн бэрхшээлтэй хүний талаар кинонд тоглосон юм. Ник дэхийн 24 гаруй орноор аялал хийж өөрийн номлолыг айлтгаж амьдралын үнэ цэнийг ойлгуулж чаджээ. Үүнээс гадна “Life Without Limits: Inspiration for a Ridiculously Good Life” хэмээх анхны номоо 2010 онд гаргасан байна.