“ICT EXPO-2013” үзэсгэлэнгийн ерөнхий ивээн тэтгэгчээр Юнител групп ажиллаж байна

Мэдээлэл технологийн салбар асар хурдацтай хөгжиж байгаа өнөө үед манай улс хөгжлийн түвшингээрээ яг хаана яваа вэ гэдэгт хариулт өгөхүйц томоохон арга хэмжээнүүдийн нэг болох “ICT EXPO 2013” үзэсгэлэн өчигдөр Мишээл экспо төвд нээлтээ хийлээ.

Монгол Улсад “Орчин цагийн харилцаа холбооны салбар үүсч хөгжсөний 92 жил”-ийн ой, “Цахилгаан холбоо, мэдээлэлжсэн нийгмийн Дэлхийн өдөр”-ийг тус тус тэмдэглэн өнгөрүүлэх ажлын хүрээнд Мэдээллийн технологи, шуудан, харилцаа холбооны газар болон Монголын мэдээлэл холбооны Юнител групп хамтран энэ удаагийн үзэсгэлэнг “Ирээдүйтэй холбогдъё-Шинэ амьдралын хэв маяг” уриан дор зохион байгуулж байгаа юм.

Юнител групп нь “ICT EXPO 2013” үзэсгэлэнг хоёр дахь удаагаа ивээн тэтгэн оролцож байгаа нь энэ бөгөөд тус үзэсгэлэнд групп компаниараа буюу Юнивишн, Ю-Планет, Монсат, Орбитнет компаниудаараа нэгдэн оролцож байна.

Дэлхийн стандартад нийцсэн өндөр технологийн үйлчилгээнүүдийг цогц хэлбэрээр нь хэрэглэгчиддээ хүргэж буй Юнител групп нь энэ удаагийн үзэсгэлэнд хиймэл дагуулын хөдөлгөөнт холбоо буюу САНСРЫН ХОЛБОО, газрын гүнд ч тасрахгүй сүлжээ буюу БИЧИЛ СТАНЦ, байгууллага хэрэглэгч хоёрыг холбох гүүр болох ЛАВЛАХ ТӨВ, дуу дүрсний өндөр нарийвчлал бүхий IPTV, өндөр хурдны ИНТЕРНЭТ, СУУРИН УТАС, ҮҮРЭН ХОЛБОО болон төрөл бүрийн сонирхолтой апплекейшнүүдээрээ оролцож байгаа юм.

Та ирээдүйтэй холбогдож, шинэ амьдралын хэв маягийг мэдрэхийг хүсвэл тус үзэсгэлэнг сонирхоорой. Үзэсгэлэн 5-р сарын 21-ыг хүртэл Мишээл экспо төвд болно.