“Аймаг бүрээс 300 азтан” тодруулах урамшуулалт хөтөлбөр эхэллээ

Гадаа цас хаялан цаг агаар хүйтэн байсан хэдий ч халуун сэтгэлийг өвөртлөн манай хамт олон Эрдэнэт хотыг зорьлоо. Урин дулаан цаг айлчлан ирж буйг тохиолдуулан “Скайтел групп” хэрэглэгчиддээ зориулан хэрэгжүүлж буй “Аймаг бүрээс 300 азтан” тодруулах урамшуулалт аяны албан ёсны нээлтийг энэ сарын 22-ны өдөр Эрдэнэт хотод амжилттай хийгээд ирлээ.

Цэвэр цэмцгэр, соёлч гэдгээрээ алдартай Эрдэнэт хотод биднийг ирэхэд тун их догдлон угтсан нь биднийг баярлуулж маш их урам зориг өгч байсан.

Залуусын дуртай Камертон-2 хамтлаг, амьд хөгжмийн хөгжилтэй залуус болох Моханик хамтлаг, мөн цоо шинээр залуусын дунд хит болон гарч ирж буй МААЗ хамтлаг, спорт машины VIP Crown aвто клубын залуус бидэнтэй нэгдэн Эрдэнэт хотын иргэдэд бэлэг барьлаа.

Эрдэнэт хотын “Уурхайчдын соёлын төв” ордонд дүүрэн цугласан үзэгчид биднийг уухайлан тун ч их хөөр болон угтлаа.

Дархан хотын “Дрифт шоуны хорхойтнууд”

Эрдэнэт хотын залуусын хүлээлт бидэнд эрч хүч өгч маргааш өглөө нь эртлэн босч хүлгийн жолоогоо Дархан хот руу заллаа. Дархан хотыг нэг өгүүлбэрээр “дрифт шоуны хорхойтнууд” хэмээн тодорхойлмоор санагдлаа. Манай багийнханыг дархан хотын дрифтчин залуус хүлээж аван Дархан хотын Скайтелийн салбарын өмнөх талбайд бид дрифтын шоугаа цугларсан олонд үзэж сонирхууллаа. Дрифтын шоуны дараа Дархан хотын Соёлын төв ордонд Моханик, МААЗ, Камертон 2 зэрэг хамтлаг дуучид хүсэн хүлээсэн фэнүүддээ ая дуугаа өргөн барисан юм.