Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
1. Зөв хооллолт болон Wii Fit-ийн энгийн дасгалуудын тусламжтайгаар эдгээр хосууд тус бүр 45 кг жинг хаяжээ.
2. 37 настай Мишель болон 38 настай Пит нар Питийг эмнэлгээс гарсны дараа огцом жин нэмж эхэлсэн байна. Учир нь тэд огт гэрээсээ гардаггүй байжээ.
3. 2009 онд Пит хавдрын эсрэг тэмцэж түүнийгээ ялан дийлсэн ч түүний жин нэмэгдсэн хэвээр байсан юм. “Эмнэлэгт байх хугацаанд миний биеийн эсэргүүцэл маш их суларч, би их ядаргаанд ордог байсан учир хоол идэж л энергээ авдаг байсан” -хэмээн Пит хэлжээ.
4. “Бид амьдралын бүхий л шалгуурыг хамтдаа даван туулдаг бөгөөд энэ удаад ч хэн нь илүү их жин хасаж чадах нь вэ хэмээн уралдах болсон юм. Заримдаа би булхиацмаар санагдаж Питийн кофе руу элсэн чихэр хиймээр санагддаг байсан” -хэмээн Мишель хэлсэн юм. Хүүхдүүдээ унтсаны дараа Мишель дахин дасгал хийдэг байсан учир нөхрөөсөө бага зэргийн давуутайгаар ялсан байна.
5. Мишель Фэйсбүүк дээрх өөрийн зургаа анх хараад шоконд орсон байна. Үүнээс болоод тэрээр турах шийдвэр гаргасан аж. Пит анхандаа эхнэрээ зүгээр л дэмжихийг хүсэж байсан боловч яваандаа бүр дуртай болчихсон байв.
6. Мишель хэлэхдээ: “Огцом хэт их жин хассанаар унжсан арьстай болохыг хүсээгүй учир би Wii Fit-ийг хэрэглэх болсон юм. Энэ нь мөн хөгжилтэй замаар турах арга байсан” -хэмээжээ.
7. “Миний эргэн тойронд баахан л туранхай хүмүүс байсан бөгөөд би ч гэсэн туранхай байж чадна гэдгээ тэдэнд харуулахыг хүссэн юм.”
8. Пит, Мишель нар гурван охины эцэг эх юм байна. Энэ их амжилтаа тэмдэглэхийн тулд хосууд Флорида дахь Диснейлэндруу явахаар шийджээ. Өмнө нь бид ямар нэг тоглоомны хамгаалалт нь бидэнд хүрэх болов уу, бүсэлж чадах болов уу хэмээн санаа зовдог байсан. Харин одоо санаа зовох зүйлгүйгээр цагийг зугаатай өнгөрөөх болно.
9. “Өмнө нь би хүүхдүүдтэйгээ цэцэрлэгт хүрээлэн ч явж чаддаггүй байсан. Учир нь алхалт миний хувьд маш хүндрэлтэй санагдаж байсан бол одоо би тэдэнтэй цуг ролик унаж, бөмбөг тоглож чаддаг болсон” -гэж Мишель хэлжээ.
10. Wii Fit-ээр хичээллэхээс гадна тэд “Slimming World” хэмээх сургалтанд явж байсан бөгөөд хамтдаа 90 кг хассанаар “Шилдэг хос” хэмээх өргөмжлөлийг хүртсэн байна. “Бид үүнийг хийж чадсан юм чинь Та ч гэсэн чадах болно. Хамгийн гол шийдвэртээ үнэнч, зоригтой байхыг зөвлөж байна” -хэмээн хосууд уриаллаа.
