Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
Брэд Питт
Дэлхийн хамгийн сайхан залуучуудын тоог Брэд Питт (Brad Pitt) байнга тэргүүлж байдаг. Тэрээр 1996 онд “12 Monkeys” киноны дүрээр, 2009 онд “The Curious Case of Benjamin Button” киноны шилдэг эрэгтэй жүжигчин, 2012 онд “Moneyball” киноны дүрээр шилдэг эрэгтэй жүжигчний номинацид нэр дэвшүүлсэн боловч тэр “Оскар”-ын шагналын эзэн болж чадаагүй гэнэ.
Жони Депп
Жони “Pirates of the Caribbean” киноны дүрээрээ илүү их алдартай, олны танил болсон билээ. Тэрээр 2004 онд “Pirates of the Caribbean” киноны дүрээрээ шилдэг эрэгтэй жүжигчин, 2005 онд “Finding Neverland” киноны дүрээр, 2008 онд “Sweeney Todd: The Demon Barber of Fleet Street” киноны дүрүүдээрээ “Оскар”-т нэр дэвшиж байсан ч одоог хүртэл Осакрын эзэн болоогүй аж. Түүний хэлж байгаагаар “Би ямар нэг шагнал авахын тулд бус харин олны хайр, хүндэтгэлийг хүлээхийн тулд дүр бүтээдэг” -гэжээ.
Жулиана Мур
Жулаина Мур хэдийгээр маш олон шагналын эзэн ч “Оскар”-ын шагналыг хүртэж чадаагүй аж. 1997 онд “Boogie Nights”, 1999 онд “The End of the Affair”, 2002 онд “The Hours” болон “Far from Heaven” киноны дүрүүдээрээ “Оскар”-т нэр дэвшиж байсан байна.
Жим Керри
"Яагаад ч юм инээдмийн киноны эрэгтэй жүжигчид “Оскар”-ын шагнал бараг л авдаггүй гэдгийг та анзаарсан уу?" -хэмээн Жим хэлж байжээ. Хэрвээ дуртай инээдмийн киноны жүжигчин нь өөр ямар нэгэн жанрын кинонд тогловол үзэгчид шууд л түүнийг шүүмжилж эхэлдэг. Жим хэзээ ч “Оскар”-ын шагналд нэр дэвшиж байгаагүй гэнэ.
Ричард Бертон
Британийн алдарт жүжигчин Ричард Бертон “Оскар”-ын шагналд долоон удаа нэр дэвшиж байсан ч энэ шагналын эзэн болж чадаагүй ажээ. 1960 оны үед тэрээр хамгийн өндрөөр үнэлэгддэг жүжигчдийн нэг байсан ч үзэгчид түүний дүрүүдийг шүүмжилдэг байжээ. Хэдийгээр Ричард холливуудын сайхан бүсгүйс Элизабет Тейлорын сэтгэлийг татаж чадсан ч “Оскар”-ын шагнал түүнээс нүүр бууруулжээ.
Леонардо Ди Каприо
Энэхүү алдарт жүжигчин одоог хүртэл “Оскар” авч чадаагүй байгаа нь үнэхээр хачирхалтай. Жүжигчин маань бараг 30 гаруй кинонд тоглож, шилдэг эрэгтэй жүжигчин хэмээх номинацид нэр дэвшиж байсан ч нэр хүндтэй шагналыг хүртэж чадаагүй байна. Бид бүхний сайн мэдэх “Титаник” киноны дүрээр ч энэхүү шагналыг авч чадаагүй нь үнэхээр хачирхалтай байгаа биз. Тэрээр “Оскар”-т гурван удаа нэр дэвшиж байсан ч шүүгчид түүнийг Оскар-ын шагнал авах болоогүй хэмээн үзсэн бололтой.
Хелена Бонэм Картер
Британийн бас нэгэн алдарт жүжигчин Хелена “Оскар”-т хоёр удаа нэр дэвшсэн. Анх 1998 онд “Тhe wings of the dove” киноны дүрээр, дараагийн удаа 2011 онд “The King’s Speech” киноны дүрээрээ нэр дэвшиж байсан ч “Оскар”-ын шагналыг хүртэж чадаагүй аж.
Камерон Диас
Диас мөн л 30 орчим кинонд дүр бүтээж байсан байна. Харин харамсалтай нь Камерон одоог хүртэл “Оскар”-ын эзэн болж чадаагүй байгаа. Тэрээр “Charlie's Angels” киноны дүрээрээ илүү алдартай билээ. Харин Диас хэлэхдээ: "Оскарын шагналыг авахын тулд маш их хөдөлмөрлөх хэрэгтэй шүү дээ” -гэжээ.
Женнифер Энистон
Энистон телевизийн олон ангит “Friends” киноны дүрээр бидэнд илүү танил болсон. Тэр “Эмми” болон “Алтан бөмбөрцөг” хэмээх шагналын эзэн болж байсан бөгөөд “Найзууд” киноны жүжигчдээс хамгийн түрүүнд том кинонуудад тоглох болсон. Нэлээн хэдэн тооны инээдмийн кинонд тоглосон ч тэрээр “Оскар”-ын шагнал авч чадаагүй. Гэхдээ холливудын од болж чаджээ.
Пирс Броснан
Ирландын жүжигчин Пирс Броснан "Жеймс Бонд"-ын дүрээр олны танил болж, үзэгчдийн хайр хүндэтгэлийг хүлээсэн билээ. Цуврал киноны гол дүрд тоглосноор түүний ашиг, орлого нэмэгдэж, олны танил болсон байна. Гэсэн хэдий ч “Оскар”-ын шагналын эзэн болж чадаагүй аж. Түүний шүтэн бишрэгчид Броснаныг маш сонирхолтой, мөн шилдэг жүжигчин хэмээн үздэг нь мэдээж.
Сара Жессика Паркер
Сара Жессика нь 1998-2004 онд эрч хүчээ аваад байсан “Sex and the City” киноны дүрээрээ олны танил болсон гэдгийг бид сайн мэднэ. Кэрри Брэдшоугийн дүрээр тэр 4 удаагийн “Алтан бөмбөрцөг”-ийн эзэн болж байсан ч Оскарт хараахан хүрээгүй байна.
Антониа Бандерос
Испанийн мачо Антониа Бандерас Холливудын нэртэй од болж чадсан. Тэрээр 60 гаруй кинонд тоглосон бөгөөд “Алтан бөмбөрцөг” хүртсэн анхны Испани жүжигчин болж байжээ. Түүний романтик дүрүүд нь бүсгүйчүүдийн сэтгэлийг татдаг бол байгалиас заяасан авъяас нь найруулагчдын анхаарлыг татдаг аж. Педро Альмодовр найруулагчийн 5 кинонд тоглосон байна. 1987, 1988 онд Антониагийн тоглосон кинонууд “Оскар” дээр шилдэг гадаад кино хэмээх номинацид өрсөлдөж байжээ.
