Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
Таняг 21 нас хүрэхэд түүний өндөр хэвийн 172 сантиметр, жин нь 58 кг байсан бөгөөд бүжиг болон морин спортоор хичээллэж, найз залуутай байсан байна. Гэсэн хэдий ч тэрээр өнчин тархины хавдартай байсан бөгөөд энэхүү хавдар нь өсөлтийн гормонд нөлөөлж өөрчлөлт оруулснаар 34 насандаа тэрээр 210 см, 180 гаруй кг жинтэй болж, дараа нь удалгүй нас барсан байна.
Таня өнчин тархины хавдраа авахуулахын тулд 3 удаа хагалгаанд орж байсан ч эмч нар хавдрыг авч чадаагүй байна. Учир нь хавдар гүрээний тараагуур судсыг ороосон байжээ.
“Анхандаа яагаад жин минь огцом нэмэгдсэнийг би ойлгоогүй. Бас хөл минь томорч, нүүр маань хүртэл томорч эхэлсэн юм. Би өөрийгөө маш азгүйд тооцож гоо сайхны бүтээгдэхүүнд маш их хэмжээний мөнгө зарцуулсан” -хэмээн Таня хэлж байсан байна.
Мөн миний галбир илүү эршүүд болж хоолой маань хүртэл ширүүн, сөөнгө болсон.
Танягийн энэхүү өвчин бүр эцсийн шатандаа орсон бөгөөд дэлхийд ийм тохиолдол гарч байгаагүй гэнэ. Гэсэн хэдий ч тэр хэзээ ч бууж өгдөггүй байсан бөгөөд байнга л ямар нэг эмчилгээ эрж, хайж эцсийн эцэст сайхан амьдарч чадна гэдэгтээ итгэл дүүрэн байсан байна.
2012 оны 8 сард цусны шинжилгээний хариугаар түүний өсөлтийн гормоны хэмжээ буурсан гэх хариу гарч Танягийн гэр бүлд түүнийг эдгэх магадлалтай гэсэн найдвар бүр их төржээ. Гэсэн хэдий ч хэсэг хугацааны дараа гормон дахин өсөж эхэлсэн аж. Харамсалтай нь 12 жилийн туршид зогсолтгүй өсөж байсан түүний биеийн өсөлтийг Танягийн зүрх нь дийлж чадалгүй хөөрхий бүсгүй нас баржээ.
