Хойд Солонгос 2012

Хойд Солонгосын тэргүүн Ким Чен Ын нь 2011 оны сүүлээр буюу эцгийгээ нас барсны дараа үүрэгт ажлаа гүйцэтгэж эхэлсэн билээ. Түүний удирдлаган доор Хойд Солонгос улс хэд хэдэн амжилттай алхмуудыг хийсэн бөгөөд үүнд Олон Улсын эсэргүүцлийг үл хамааран пуужин хөөргөсөн үйл ажиллагаа багтдаг. Гэхдээ одоог хүртэл Хойд Солонгосын иргэд нутгаасаа дүрвэн явж байгаа билээ. Харин одоо Хойд Солонгосыг дотоодын болон гадныхны нүдээр хэрхэн харагддаг талаар фото сурвалжлагыг хүлээн авцгаая.

"Хойд Солонгосын эдийн засгийн хамгийн чухал хэсэг нь зэвсэгт хүчин юм" -хэмээх уриаг өөрчлөх хэрэгтэй. "Хойд Солонгос болон Өмнөд Солонгосын хооронд байгаа үл ойлголцлыг зөвхөн найрамдлын асуудлаар л шийдэж болно” -хэмээн Ким мэдэгдсэн байна. Гэсэн хэдий ч албан ёсоор хоёр улс хоорондоо найрамдал тогтоогоогүй байгаа бөгөөд одоог хүртэл дайтсан хэлбэртэй байгаа аж. Ким Өмнөд Солонгосын удирдлагууд руу “Найрамдацгаая”-хэмээх мэдүүлгийг өгч байгаа хэдий ч одоогоор энэ үйл ажиллагаа бүтэлгүйтэж байгаа бололтой.

1. Хойд Солонгосын цэцэрлэгийн насны охид бүжиглэж байна. Эдгээр охидын цэцэрлэг Хятадын зүүн хойд зүгт байрлах Даньдун хотын эсрэг талд буюу Синыйжу хотод байрладаг аж. (Wang Zhao/AFP/Getty Images)

2. Хойд Солонгосын тэргүүн агсан Ким Ир Сенийн хөрөг зураг. (AP Photo/Ng Han Guan)

3. Шинэ оноо угтаж буй Хойд Солонгосын иргэд. (Reuters/Kyodo)

4. Хойд Солонгосын иргэд Пхеньян талбай дээр шинэ он гарахыг хүлээж байна. Хойд Солонгосын хуанлигаар 102 дахь жилийг угтаж байгаа юм байна. Ким Ир Сений баримталж байсан тусгаар тогтнолын үзэл суртлаас болоод орчин үеийн Хойд Солонгосын хуанли 1912 оноос буюу тусгаар тогтносон өдрөөсөө эхлэх болжээ. (AP Photo/Kim Kwang Hyon)

5. Хойд Пхеньяны талбай. (AP Photo/David Guttenfelder)

6. Синыйжу хотын цэцэрлэгийн багш. (Wang Zhao/AFP/Getty Images)

7. Тон Чан Ли дахь Сохэ станцад байрлах “Ынха-3” пуужин. (AP Photo/David Guttenfelder)

8. “Ынха-3” пуужинг хөөргөсний дараа. Энэхүү хөөргөлт амжилтгүй болсон бөгөөд пуужин Шар тэнгис руу унасан байна. Хойд Солонгосын тэргүүн Ким Чен Ын. (Reuters/KCNA)

9. Пуужин хөөргөсний дараах үйл ажиллагааг судлаачид дэлгэцээр хянаж байна. (Reuters/KCNA)

10. “Ынха-3” пуужинг хөөргөж буй байдал. (KNS/AFP/Getty Images)

11. Фермер О Ен Э хэлэхдээ, "Хойд Солонгосын 24 сая гаруй хүн амыг хэрэгцээгээр нь хангахын тулд фермерүүд боломжтой болгоныг хийж байгаа билээ. Гэсэн хэдий ч улсын удирдлага бүхнийг өөрийн гарт авахыг оролдож байгаа бөгөөд энэ нь фермерүүдийн хувьд хүнд цохилт болох магадлалтай"- гэж байна. (AP Photo/Vincent Yu)

12. Хойд Солонгосын хүүхдүүд бухал зөөж байна. Өмнөд Хванхэ. (AP Photo/Ng Han Guan)

13. Хойд Солонгосын иргэд троллейбусаар зорчиж байна. (AP Photo/Vincent Yu)

14. “Ариран” хэмээх тэмцээний үеэр Хойд Солонгосын иргэд өнгөт хөрийн тусламжтайгаар хүний дүрс бүтээжээ. (AP Photo/David Guttenfelder)

15. “Ариран” тэмцээний үеэр. (AP Photo/David Guttenfelder)

16. Тэдонган голын ойролцоо байрлах “Mansugyo Soft Drink” ресторан. Энэүү ресторан арав гаруй жилийн турш огт сэргээн босгогдоогүй байсан бөгөөд тун удахгүй дахин засварт орохоор бэлдэж байгаа аж. (AP Photo/Ng Han Guan)

17. Хойд Солонгосын цэргүүд олон нийтийн хуралдааны үеэр Пхеньян талбай дээр цуглацгаасан байна. (AP Photo/David Guttenfelder)

18. Өмнөд Солонгосын цэргүүд хилийн цэрэггүйжүүлсэн бүсэд шалгалт хийж байна. (AP Photo/Yonhap, Lee Hae-Yong)

19. Хойд Солонгос дахь зам. (AP Photo/David Guttenfelder)

20. Баригдаж буй 105 давхар “Ryugyong” зочид буудал. (AP Photo/Ng Han Guan)

21. Рунгна арлын ойролцоо шинээр нээгдэж буй соёл амралтын хүрээлэн. Хойд Солонгосын тэргүүн Ким Чен Ын болон түүний гэргий Ли Суль Жу нар нээлтийн ажиллагаанд оролцжээ. (Reuters/KCNA)

22. Пхеньян дахь үндэсний хүрээлэнд шинэ танкны загваруудыг танилцуулж байна. Энэхүү хүрээлэнг 3 жилийн туршид цэргүүд барьсан бөгөөд 2012 оноос ашиглалтанд орсон байна. (AP Photo/Ng Han Guan)

23. Хойд Солонгосын тэргүүн болон бусад өндөр албан тушаалтангууд Рунгна арлын ойролцоо шинээр нээгдсэн соёл амралтын хүрээлэнгийн нээлтийн үйл ажиллагаанд оролцжээ. (Reuters/KCNA)