1. 1500 гаруй үзэгчдийн алга ташилтын дор 3 хоног үргэлжлэх энэхүү тэмцээний оролцогчид Катмандугийн төв цэг болох Дашаратх стадионд өөрсдийн орны өнгө бүрийн тугийг барьж гарч ирснээр тэмцээний нээлт эхэлсэн байна.
2. Багтай бүжигчид болон Непалын үндэсний хөгжмийн хөгжимчид тэмцээнд оролцогчидтой хамтран нээлтийн ёслолыг толилуулсан аж.
3. Ихэнхи оролцогчид хэлэхдээ “Энэхүү тэмцээн бидэнд өөртөө итгэх итгэлийг өгч, өөрийгөө үнэлэх үнэлэмжийг нэмэгдүүлсэн” -хэмээжээ.
4. Грег Луганис тэмцээний спортын төрлийн нээлтийн ажиллагааг эхлүүлсэн бөгөөд тэрээр энэхүү цөөнхи улсын эрх ашгийг хамгаалахыг дэмждэг аж.
5. Анх тэмцээнийг зохиох гэж байхад Непал шиг ижил хүйстэнгүүдийг эсэргүүцдэг газар ийм том тэмцээнийг бүрэн гүйцэд амжилттай зохиож чадах болов уу хэмээн ихэд айж байсан гэж “Ижил хүйстний эрхийг хамгаалах” байгууллагын тэргүүн ноён Пант (Pant) хэлсэн байна.
6. Непалд ижил хүйстэнгүүдийн асуудлыг одоо хүртэл хүлээн зөвшөөрдөггүй гэнэ.
7. Ихэнхи ижил хүйстэнгүүдийн хурим нь олон нийтийн өмнө болдогч тэдэнд хуулийн дагуу гэрлэлтийг нь баталсан бичиг баримт өгдөггүй байна.
8. Непалд ижил хүйстэнгүүдэд нэг жилийн хорих ял оноодог байна.
9. Зургаан жилийн өмнө Катмандуд ижил хүйстэн хүмүүсийг олон нийтийн өмнө зодож, баривчилдаг байсан аж.
10. Бага багаар энэхүү асуудлыг хүмүүс ойлгож эхэлж байгаа гэнэ.
11. Маогийн үзлийн маргааны дараа буюу 2006 онд Непал нь Бүгд Найрамдах улс болсон байна.
12. 2007 онд Улсын дээд шүүх ижил хүйстэн хүмүүсийг ялгаварласан хуулийг цуцалсан бөгөөд тэдэнд бүх иргэдтэй адил эрх тэгш байхыг зарласан байна.
13. Непалын ихэнхи хотуудад нь ижил хүйстнүүдэд зориулсан миссийн тэмцээн зохиодог болсон бөгөөд Катмандуд ижил хүйстний парад зохиосон аж. Энэ оны эхээр хүйсээ сольсон нэгэн өсвөр насны хөвгүүн гэр бүлтэй болж Непалын анхны транссексуал болсон байна.
14. Гэсэн хэдий ч ижил хүйстэнгүүд өмнөхтэй адил олон асуудалтай тулгарсаар л байна. Тэднийг сургууль эсвэл коллежид хүлээн авдаггүй, иргэний үнэмлэх авах болон хүйсийг нь тодорхойлсон бичиг баримт авахад нэлээд асуудал тулгардаг аж.
15. Катмандугийн оршин суугчдад энэхүү тэмцээн ихэд таалагдсан бололтой.
