1960-аад оны Дэлхийн тухай ярихад олон хүний бодолд коммунист нийгмийн өнгө төрхийг илтгэсэн оросын барилгууд, нийгмийнхээ төлөө өөрийгөө золиослоход бэлэн хэтэрхий идэвхитэй хүмүүс, хүйтэн дайн, шинжлэх ухааны салбарт гарсан үсрэнгүй нээлтүүд, ид өрнөх бүтээн босголт, бас хаашаа зүглээд байгаа нь мэдэгдэхгүй хэтэрхий сэнтэг нийгмийг сөрж, хүний эрх, эрх чөлөөний төлөө өрнөх нууцхан тэмцлийн эхлэл зэрэг олон зүйлс ордог байх. Мөн энэ л үеийн залуус хэтэрхий шашинлаг, эсвэл хэтэрхий улс төрлөг нийгмүүдээсээ зугтаж, шинийг эрэлхийлэн, хиппи стилийг сонгож эхэлсэн билээ. Тэгвэл одоо бүгдээрээ 1960-аад оны Америк залуусын хувцаслалтын талаар сонирхолтой нийтлэлийг хүлээн авцгаая. Тэр үеийн хиппичүүдийн загвар нь хамгийн онцгой, бас шинэлэг байжээ. Орчин үеийн дизайнерууд 60-аад оны загварыг өнөөдөр хүртэл шингээсэн бүтээлүүд туурвисаар байдгаас үүнийг баталж болно.