Гадаадад суугаа Монголчууд Facebook, Twitter-ийн тусламжтайгаар хоорондоо холбогдож, Монгол улсынхаа ирээдүйн тусын тулд, “Маргаашийн төлөө: шударга сонголт хийцгээе!” уриан доор Англи, АНУ, Япон, Солонгос, Шведэд ажиллаж, амьдарч байгаа хэсэг нөхөд нэгдсэн юм.
 
Бид “ардчилсан” гэх тодотголтой өнгөрсөн 20-иод жилийн хугацаанд юу болж өнгөрсөн, юу бүтээсэн, юундээр алдсан, оносон гэдэг дээр дүгнэлт хийж, цаашид юунд хүрч болохыг харуулах, Монголын дуу хоолой болсон ЗАЛУУЧУУД өөрсдийн ҮЗЭЛ БОДЛОО ЧӨЛӨӨТЭЙ илэрхийлэх, БУСДЫГАА СОНСОХ, сонгуульдаа ИДЭВХТЭЙ оролцож, 2012 оны сонгуулиар ЗӨВ, ШУДАРГА сонголтоо хийхэд туслах зорилгоор, ард хоцорсон хорин хэдэн жилийн дотор болсон томоохон үйл явдлыг урвуу таймлан (Timeline) ашиглан, бүх нэр дэвшигчдийн талаарх залуучуудын санал бодлыг онлайнаар авах зорилгоор http://www.tagtaa.mn вебсайтыг бүтээлээ. Залуусаа, та бүгд Монголын ирээдүй, “МОНГОЛ” гэдэг нэрийн дор эх орныхоо түүхийг бичих хувь заяатай төрсөөн.
 
Энэхүү вебсайтыг богино хугацаанд бүтээсэн тул, алдаа дутагдал, мэдээллийн хувьд хомс байгаад хүлцэл өчиж байна. Та бүхэн өөрийн зүгээс 21 аймгийн туслах таймлайн дээр 1989 оноос хойшхи томоохон үйл явдлуудыг оруулах боломжтой тул, манайд байхгүй мэдээллийг tagtaa@ymail.com хаягаар явуулна туслалцаа үзүүлнэ үү.
 

Бид Монголын төлөө, Маргаашийн төлөө ихийг хийх хувьтай төрсөн билээ.
 
Та бүхний ажил, амьдралд сайн сайхан бүхнийг хүсэн ерөөе.

Маргаашийн төлөө...  http://www.facebook.com/groups/125327510924410/