Нэлээд хэдэн сарын өмнөөс "NTV" телевизээр гарч эхэлсэн "Монгол тулгатны Зуун эрхэм" хэмээх нэвтрүүлэгт ЗТБХБЯ-ны сайд асан Х.Баттулга оролцсон байна. Түүний оролцсон хэсэг нь бусад дугааруудаас илүү сонирхолтой болсон юм. Учир нь Монголчууд Х.Баттулгыг тамирчин, тэгээд бизнесмен дараа нь Улс төрч болсоныг мэднэ. Тэр энэ бүгдийг хийхдээ тултал хийсэн гэхэд болно. Яагаад гэвэл тэрээр самбо бөхийн дэлхийн аварга, маш сайн бизнесмен, одоо бол ярихаасаа илүү хийдэг Улс төрч гэж үнэлэгддэг. Мөн Ардчилсан намын нөлөөтэй хүн болж чадсан. Жижиг боловч бадируун биетэй, цөөн үгтэй, ширүүн харцтай энэ хүнийг "Монгол тулгатны 100 эрхэм"-ийн тоонд багтаасанд гайхах хүн гарахгүй байлгүй. Түүний оролцсон дугаарыг үзэж чадаагүй ч их сонирхолтой нэвтрүүлэг болсоныг найзаасаа сонсоод, Youtube-ээс хайж олоод та бүхэндээ толилуулж байна. Энэ хүнийг та бүхэн янз бүрээр хүлээж авах биз. Миний хувьд хийсэн юмтай, үзүүлэх гавъяатай, эх оронд минь хэрэгтэй, зоригтой аавын хүү гэдгийг мэдэрч байна. Та энэ нэвтрүүлгийг үзээд Х.Баттулгыг тамирчин болохоос өмнө ямар ажил мэргэжилтэй байсныг мэдэх болно.