Thinkmоdo сурталчилгааны агентлагийн ажилчид өсвөр насны супербаатруудын тухай гардаг “Chronicle” хэмээх шинэ уран сайхны киноны пиар-ыг хийхдээ цаасаар хийсэн хүний дүрснүүдийг Нью-Йоркийн тэнгэрт хөөргөжээ. PR – ын ажилчид радио долгионы удирдлагатай нисдэг төхөөрөмжнүүдийг картонон цаасаар бүтээсэн жирийн хүмүүсийн дүрсэн дээр суурилуулаад Манхэттений тэнгэрт хөөргөсөн байна. Газраас дээш харахад эдгээр цаасан хүмүүсийг жинхэнэ хүнээс ялгахын аргагүй байжээ. Учир нь сурталчилгааны ажилчид тэдний хөдөлгөөнийг удирдлагаар удирдаж, жинхэнээсээ нисч байгаа мэтээр харагдуулж байв. Энэхүү үйл ажиллагаа нь Нью-Йоркийн олон мянган иргэдийн анхаарлыг татсан бөгөөд Thinkmоdo агентлагийнхан уг акцийнхаа дагуу сонирхолтой видеог бүтээж интернетэд. Нэг өдрийн дотор бичлэгийг 400 мянган хүн үзсэн байна. Ингээд жинхэнэ бүтээн туурвих ажил, бүтээлч сэтгэлгээний жишээг танд хүргэж байна.