Ерөнхийдөө энгийн хэрэгчдэд тохируулах үүднээс хурд хүчнээс илүү тохь тухыг бодолцож бүтээсэн энэхүү машин нь боломжийн үнэтэй гэдгээрээ олны анхаарлыг татаад байгаа. Машин эхний ээлжид Европ болон АНУ-ын зах зээл дээр гарч байгаа бөгөөд 44-46 мянган ам.долларын үнэ хүрч байгаа аж. 

Мэдээж энэ нь их мөнгө мэт санагдаж болох ч Mercedes-Benz-ийн тансаг зэрэглэлийн машины хувьд харьцангуй хямд юм. 

Салоны хувьд S-class цувралын машинуудтай төстэй болсон нь худалдан авагч нарт илүү өндөр зэрэглэлийн мэдрэмж төрүүлэх гэсэн оролдлого байх. 

Чухамдаа өрсөлдөгч нар нь Audi A4, BMW 3, болон Genesis G70 зэрэг илүү хямд үнэ бүхий арай боломжийн үнэ бүхий тансаг загварын машин зэх зээлд нийлүүлж эхэлсэн тул Mercedes-Benz яаравчлан C300d-г худалдаанд гаргахад нөлөөлсөн байж болно. 

Хянах самбар хэт том байна гэсэн гомдол зарим худалдан авагч нар тавьж байгаа. Гэхдээ огт харагдахгүй байснаас хэн ч гэсэн үзэж чадах хэмжээтэй байсан нь дээр биз ээ. 

Гадна талдаа 360 хэмийг ажигладаг камертай учраас машинд ямарваа нэг зүйл ойртох үед жолоочид шууд мэдэгдэх юм. Энэ нь машиныг зай багатай газар тавих гэх мэт үед том давуу тал болох нь дамжиггүй.

Машин 255 морины хүчтэй 2.0 литрийн дөрвөн цилиндртэй турбо хөдөлгүүртэй юм. Турбо хөдөлгүүрийг 48 вольтын гибрид системээр сайжруулсан бөгөөд үүний ачаар хөдөлгүүрийн хүчийг түр зуур 20 морины хүчээр нэмэгдүүлж болох юм.

Бүх дугуй нь хөтлөгчтэй бөгөөд хүсвэл урд хойд дугуйнуудын хөтлөгчийг түр салгаж болно. 

Есөн шатлалт автомат хурдны хайрцагтай нь зарим хүмүүст арай цөөн санагдаж магад. Бүх дугуйны хөтлөгчийг асаасан бол машин 5.3 секундэд 100 км/ц хурдалж чадна. Энэ нь өмнөх үеийн С ангиллын машинуудыг бодвол 0.5 секундээр хурдан юм.