1
Анхны вебсайт
20 жилийн өмнө өнөөгийн бидний өдөр тутамдаа хэрэглэдэг мянга мянган веб сайтын аль нь ч байхгүй байхад Тим Бөрнерс Ли нэртэй нэгэн эр анхны вебсайтыг бүтээжээ.
2
Анхны хиймэл эрхтэн
Дэлхийн хамгийн олон жилийн настай хиймэл эрхтэн нь Эртний Египетийн эзэмшил газраас олджээ. Хүний биеийн жингийн 40 хувь нь алхах болгонд хөлийн эрхий хуруунд ирдэг учир мод болон арьсаар хийсэн энэ ивээс нь хөлийн хурууг орлож байжээ. Үүнээс гадна биеийн энэ хэсэг Египетчүүдийн уламжлалт гутлыг зөв өмсөхөд хэрэгтэй байсан гэнэ.
3
Анхны шумбагч онгоц
Анхны шумбагч онгоцыг 1620 онд Английн хаан нэгдүгээр Жеймст зориулан Корнелиус Дрэббэл зохион бүтээжээ. Энэ төхөөрөмж нь сэлүүрдэж буй завины дүртэй байв. Шумбагч онгоц модон хүндрүүлэгчийн ачаар Тэймс голын түвшингээс доошоо 4 гаруй метр шумбаж чаджээ.
4
Дэлхийн анхны телескоп
1609 онд Галилео Галилейн бүтээсэн анхны телескоп энгийн линзээс бүтсэн бөгөөд гурав дахин томруулах чадвартай байжээ. Маш их өнгөний болон тойргийн гажилтууд үүссэн ч үүний тусламжтайгаар шинэ нээлтүүд хийгдсэн юм. Галилео телескопынхоо aчаар Бархасбадийн дагуулууд, сарны гадаргуу, сүүн замын олон оддыг, Сугар гарагийн мөчлөгүүд болон Санчир гарагийн бүслүүрийг олж нээсэн.
5
Төмөр тавгаар хийсэн толь
Хамгийн анхны толинууд МЭӨ 1540-1296 оны Хүрэл зэвгийн үед бүтээгдсэн бөгөөд одоо үеийн толины ойлголттой нийцэхгүй ч, тусгал өгөх хэсэг нь өнгөлсөн төмөр тавгуудаас бүтжээ.
6
Анхны робот
1865 онд хоёр Америк хүн уурын роботыг бүтээжээ. Энэхүү роботыг Даниель Ламберт гэдэг. Тэрээр 226 кг жинтэй, 2 метр өндөр бөгөөд түүнийг зогсож чаддаг болгохын тулд тэргэнд холбосон харагдана. “Даниель” роботын маань цээжинд зуух байрлуулснаар түүнийг уураар ажилладаг болгожээ. Энэхүү уурын робот тэрэгний оронд морийг хөдөлгөх чадвартай гэж таамагласан учир тухайн үедээ уурын роботууд бүтээж морины оронд ашиглана гэж төлөвлөсөн ч талаар болсон юм.
7
Дотоод шаталтын хөдөлгүүртэй анхны автобус
Хийгээр ажиллах дотоод шаталтын хөдөлгүүртэй энэ автобус 1894 онд Германд бүтээгдэж байжээ.
8
Волксвагены анхны лого
Сонирхолтой нь энэхүү логог анх Гитлер зурж байсан бөгөөд 1937-1939 он хүртэл үүнийг ашиглажээ.
9
Анхны машинтай Лего тоглоом, 1961
Өмнө нь модоор хийгддэг байсан энэ тоглоомууд хуванцарт шилжин 1947 онд анх хийгдэж байсан бөгөөд 1949 онд одоогийн бидний сайн мэдэх хоорондоо нийлдэг Легог бүтээжээ. Mашинтай дагалдан ирэх анхны иж бүрдлийг энэ зурагт харуулсан байна.
10
Дэлхийн анхны видео тоглоом - “Bertie the Brain”-1950
Жосэф Кэйтс 1950 оны “Канадын Үндэсний Үзэсгэлэн”-д зориулан дэлхийн хамгийн анхны видео тоглоомыг бүтээжээ. 4х4 метрийн хэмжээтэй компьютер дээр тоглох энэ тоглоом хоёр долоо хоногийн дараа үзэсгэлэн дуусахад харамсалтайгаар аль хэдийн мартагдсан байна.
11
Гар утасны анхны туршилтын загвар
1973 оны дөрөвдүгээр сарын 3- нд зөөврийн утсаар анхны дуудлага хийгдсэн гэж үздэг. Motorola DynaTAC 8000X гар утас нэг кг байсан ба 35-40 минут яриад 10 цаг цэнэглэдэг тохиргоотой хийгджээ. Утсыг бүтээхэд 15 жил орж, 100 сая доллар зарцуулагдсан байна.
