Хүмүүсийн анхаарлыг татсан зүйл бол машин дээр зузаан тогтсон  тоос шороо бөгөөд энэ нь маш муу гэрэлтүүлэгтэй үед ч сайн харагдаж байсан аж.

Ойртоод үзэхэд хүмүүсийн таамаг баталгаажиж уг машин цоо шинэ байсан байна. Машины дугаараас хүртэл шинэхэн машин гэдэг нь харагдаж байсан ба улсын дугаар дээрх 77 гэх тоо сонирхол татсан юм.

Учир нь ийм дугаар Орост одоо ч маш үнэтэй буюу ойролцоогоор 200 мянган рубль (8 сая төгрөг)-ээр зарж болно.

Энэхүү хачирхалтай явдал нь тухайн зогсоолын харуулын сонирхлыг ч ихээхэн татсаар ирсэн ажээ. Машиныг анх 2010 онд дугаартай нь хамт оруулж ирэн зогсоолд тавьсан бөгөөд үүний дараагаар сар болгон нэг эмэгтэй ирж зогсоолын сарын түрээсийг төлчхөөд л яваад өгдөг байж.

Тухайн үедээ уг машины үнэ 900 мянган рубль буюу тухайн үеийн ханшаар бодвол ойролцоогоор 30 мянган ам.долларын үнэтэй байсан байна. 

Та бүхний ойлгосноор зогсоол ч мөн үнэтэй, анх сарын 4000 (160 мянган төгрөг) рубль байсан бол одоо 6000 (240 мянган төгрөг) рубль болж өсжээ.

Хэрэв бусад татвар болон даатгалын мөнгийг тооцолгүйгээр зогсоолын жилийн төлбөрийг дунджаар аваад үзвэл ойролцоогоор 60 мянган рубль (2 сая 400 мянган төгрөг) болж байгаа юм. 10 жил гэхээр бүүр 600 мянган рубль (24 сая төгрөг) болно.

Өнөөдөр ийм Короллагийн үнэ 7 мянган ам.долларын үнэтэй байгаа бөгөөд одоо зарлаа ч зардлаа нөхөж чадахааргүй байгаа юм. Гэвч бид бусдын логикийг таах гээд хичээгээд яахав дээ. Ганц ч км яваагүй цоо шинэ машиныг ингэж орхижээ.