Ерөнхийдөө өндөр өсгийтэй гутлаас илүү таныг өндөр харагдуулах зүйл бол хийлдэг гутал гэж UV-Zhu хэлсэн нь үнэний ортой. 

Тэрээр өдөр тутмын эд зүйлс, уламжлалт хувцасны загварыг хослуулж чадсан учраас бүтээл нь санасныг бодвол этгээд бус харагдаж байгаа аж.

UV-Zhu бүр фосфороор будсан гутал хүртэл хийсэн нь харанхуйд чөлөөтэй алхах боломжийг өгөх гэнэ.

Тэрээр гутлыг ганцхан хийлээд зогсохгүй төрөл бүрийн тэмтрүүл, чихэр зэргээр гоёсон нь бүр ч анхаарал татахуйц болсон байна. Эдгээр нь энгийн гуталнаас ялгарах хөгжилтэй, эрч хүчтэй төрхийг бүрдүүлж чаджээ. Гэхдээ ямар ч өнгөний хослол, загвар ашигласнаас үл хамааран ийм гутлыг өмссөн хүн шууд бусдаас өөр харагдах юм. 

UV-Zhu-ын хэлснээр түүний загварууд бусдын анхаарлыг татаж байхад л болно гэжээ. "Би гутал заавал бодит амьдралд нийцсэн байх албагүй гэж бодож байна. Тэдгээрийг ганцхан хувцас биш урлагийн бүтээл гэж хүлээж авдаг байх ёстой" хэмээн хэлсэн байна.