Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Хаврын улирал ирж хүн бүр хувцсаа нимгэлж, гоёж гангарах цаг ирлээ. Тэгвэл энэ жилийн хаврын гадуур хувцасны загварын чиг хандлага ямар байх талаар загвар зохион бүтээгч Наз Маер танилцуулжээ.
Хоёр болон түүнээс олон өнгө хосолсон хүрэм үргэлж загварлаг байсан бөгөөд та өөрийн хувцаснуудаас энэхүү загварыг бүтээх боломжтой. Жишээлбэл: Дээгүүрээ тод өнгийн хувцас өмсөж, доогуураа арай даруухан хувцсыг сонгож, неон даашинз дээр ганган гоёл чимэглэл зүүж өнгөлөг хувцаслаарай. Үүнээс гадна тод өнгийн геометрын дүрс, тод өнгийн ханцуй бүхий гадуур хувцсыг сонгох нь энэ хаврын тренд байх болно.
Кимоно болон сул халат мэт бүстэй загвар нь таны хувьд маш эвтэйхэн байх болно. Энэ төрлийн гадуур хувцас нь бүх галбиртай бүсгүйчүүдэд тохирох бөгөөд та ямар ч загварын хэв маягийг эрхэмлэдэг байсан энэхүү гадуур хувцсыг сонгох боломжтой.
Хэрвээ та галбираа нуухыг хүсэж байвал минималист элдэв гоёл чимэглэлгүй гадуур хувцсыг сонгох нь зүйтэй. Юуны түрүүнд эсгүүрийг сайн ажиглаарай.
Энэ төрлийн загвар нь цээж хэсгийн илүүдэл өөхийг дарж өгөх бөгөөд таныг илүү галбирлаг, загварлаг харагдуулна.
Өнгөрсөн улирал загварлаг эмэгтэй бүр тренч цувтай болж байсан билээ. Хэдийгээр бүсгүйчүүд цувыг төдийлөн анхаарч хардаггүй ч энэ бол юугаар ч орлуулашгүй классик загвар юм. Ерөнхийдөө унасан материал бүхий цувыг өмсөх нь нэн тохиромжтой
Энэ төрлийн гадуур хувцас нь бүх төрлийн галбиртай хүмүүст тохирно. Өргөн бүс бүхий сул загварыг сонгосноор та бэлхүүсээ илүү тодотгож өгнө. Хиймэл матт арьстай, миди урттай цувыг сонгож, цаг агаарын бүхий л нөхцөл байдлын үед өмсөж болно.
Хиймэл үсэн пальто, теди загварын оверсайз гадуур хувцас хэдэн улирлын турш загварлаг хэвээр байгаа бөгөөд том гутал, пүүзтэй хослуулж өмсөх нь илүү тохиромжтой. Харин цэвэр үслэг эдлэлийг дэлхий даяар хэрэглэхээс татгалзаж байгаа учир та ч битгий сонгоорой.
