1 Хүүхэд бол үүрэг хариуцлага гэдгийг ухамсарладаг

Тогтвортой орлого, амьдрах таатай орчин, учирч болох эрсдэлд зориулах мөнгөн хадгаламж зэргийг бүрдүүлж чадсан гэдэгтээ та итгэлтэй байна уу? Хүүхэдтэй болох шийдвэр гаргахаасаа өмнө амьдрал дээр хөлөө олж, хүүхдэдээ аливаа зүйлсийг зааж сургах хэмжээнд хүрсэн төлөвшилтэй нэгэн болж чадсан эсэхээ бодож үзээрэй.

2 Өөрөө мэдэрч чадаагүй, авч үзээгүй зүйлсээ хүүхдэдээ мэдрүүлэхийг хүсдэг

Магадгүй та хүүхэд насандаа хайр халамжаар дутаж, хүслэн болсон бэлэгнүүдээ авч үзэлгүй, эцэг эхийнхээ дэмжлэгийг авч үзээгүй байж болох ч хүүхэд насандаа өөрийн мэдэрч үзээгүй, авч үзээгүй зүйлсээ хүүхдэдээ өгнө хэмээн боддог бол та гайхалтай сайн аав болж чадна гэдэгтээ бүү эргэлзээрэй. Гэсэн ч хүүхдээ зодож шийтгэж, загнаж зэмлэн шийтгэж, анхаарал халамжаар дутааж өсгөх замыг сонгодог хүмүүс байдаг нь харамсалтай. Иймээс хүүхэд ахуй цагтаа өөрийн мэдэрч чадаагүй бүхнээ хүүхдэдээ мэдрүүлэх хүсэлтэй аав байхыг эрхэмлээрэй.

3 Хүний хувийн орон зайг хүндэтгэдэг

Хэрэв та бусдын хувийн орон зайг хүндэтгэж, тэдэнд таагүй сэтгэгдэл төрүүлэхгүй байхыг хичээж, бусдын зүйлсийг авахаасаа өмнө зөвшөөрөл авч, бусдыг зальдан мэхлэлгүй үнэн бодитоор аливаа зүйлд хандаж, харилцан ярилцаж байгаа хүнийхээ үгийг таслалгүй хүндэтгэлтэй хандаж чаддаг бол та хүүхдэдээ өөрийн гэсэн орон зайг нь олгохын зэрэгцээ түүнтэй дотно сайхан харилцаатай байж чадах сайн эцэг хүн болж чадна.

4 Аливаа асуудлыг тайвнаар шийдвэрлэж чаддаг байх

Жижиг асуудал дээр дуугаа өндөрсгөж, уурлаж уцаарлахгүйгээр шийдвэрлэж чаддаг, аливаа маргааны үеэр өөрөөсөө сул дорой хэн нэгэн рүү гар далайхгүйгээр харилцан ярилцаж чаддаг бол таны хүүхэд хамгаас аз жаргалтай орчин өсч торних болно гэдэгт эргэлзэх хэрэггүй. Ийм л эцэг, эхийн дэргэд хүүхэд өөрийгөө аюулгүйгээр мэдэрч, юу ч тохиолдсон тэдэндээ итгэж найдаж, зөв хүн болон төлөвшдөг ажээ.

5 Гэр бүлээ нэгт тавьдаг байх

Хүүхдийн хувьд эцэг, эх нь гэр бүлдээ цаг заваа зориулдаг, ямагт гэр бүлээ нэгт тавьдаг байх шиг жаргал үгүй. Иймээс хүүхдийн аз жаргалыг цаг завгүй ажиллаж, хүүхдийнхээ хэрэгцээг хангаж байгаагаараа тодорхойлох хэрэггүй ажээ.

6 Халамж хайраар бялхам нэгэн

Сэтгэл хөдлөл, мэдрэмжээ үгээс гадна үйлдлээрээ батлан харуулж байх нь хүүхэд хайр халамжийг бодитоор мэдрэх хамгийн том хүчин зүйлсийн нэг болж байдаг бөгөөд эцэг, эхдээ үнэ цэнэтэй нэгэн гэдгээ мэдэрч буй хүүхэд ч хамгаас илүү аз жаргалтай болдог нь гарцаагүй билээ.

7 Хүнд байдлаас хэрхэн гарах талаар сайн мэддэг байх

Сайн аав болохын тулд хүн хүндрэлтэй байдлаас мултарч гарах арга замыг сайтар олдог байх шаардлагатай. Санхүүгийн хүнд байдалд орсон тохиолдолд найз нөхөд, гэр бүлийнхэндээ найдаж суулгүй цагийн ажил хийх зэргээр өөрөөсөө шалтгаалах бүх зүйлсээ шавхан гаргаж чадах эсэхээ хүүхэдтэй болохоосоо өмнө бодолцож үзэхийг зөвлөж байна.

8 Итгэл даах нэгэн

Хэлсэн үгэндээ хүрч чаддаг, тууштай хичээнгүй нэгэн та мөн үү? Хэрэв та энэ асуултын хариулт тийм гэж бол та маш халамжтай хань, сайн аав болж чадна.

9 Гэрийн ажил хуваалцаж хийдэг

Төрсний дараа бүсгүй хүн нярай хүүхдээ асрах гэсээр өөрийгөө ч хайхрах завгүй болж, бүтэн нойртой хонох шөнө ч үгүй болох үед гэрийн ажилд нухлагдана гэдэг эмэгтэй хүний сэтгэл зүйд асар их дарамт нэмдэг гэдэг нь гарцаагүй. Харин сайн аавууд гэргийнхээ болон үрийнхээ сайн сайхны төлөө үүрэг хариуцлагаа нэмэгдүүлж, эхнэрийнхээ гэрийн ажлаас хугасалж чаддаг нэгэн байдаг гэдгийг бүү мартаарай.

10 Хүүхдэд хайртай

Төрөл садны эсвэл найз нөхдийнхөө хүүхэдтэй та хэр нөхөрсөг харилцаж чаддаг вэ? Хэрэв та тэдэнтэй таатай харилцаж чаддаг бол өөрийн хүүхэдтэйгээ ч хялбархан ойлголцож, эерэг уур амьсгал бүрдүүлж чадах нэгэн ажээ.

11 Үнэхээр сайн аав болохыг хүсдэг

Магадгүй дээр чанарууд танд дутагдаж байж болох ч та өөрөө өөрөөсөө үнэхээр сайн аав болохыг хүсдэг эсэхээ асуугаад үзэхийг танд зөвлөж байна. Сайн аав болох хамгийн чухал хүчин зүйл нь өөрийн хичээл зүтгэл гэдгийг санах нь чухайл. Өөрийн зорилгынхоо төлөө бууж өгөлгүй тэмцээрэй.