Техас мужийн Даллас хотын иргэн, 18 настай Кэти Крүүкс хэмээх охин 9 жилийн өмнө трамплин дээр үсэрч байгаад унаж, хамраа хугалсан байна.

Үүнээс болоод түүнийг өсвөр насанд нь бусад хүүхдүүд "Пинокио", "Тоть" хэмээн хочилж, "Хамрыг чинь янзлаад өгөх үү" гэх мэтээр дээрэлхдэг байжээ. 

Харамсалтай нь Кэти дээрх явдлын дараа машины хаалганд цохиулж, хөргөгчинд даруулж, нохойтой мөргөлдөж дахин 3 удаа хамраа хугалсан байна.

Тиймээс хөөрхий охин өөрийнхөө гадаад төрхөөс маш их ичиж, багаасаа өөрөө толинд харж байгаад нүүрээ будаж, хамрынхаа хэлбэрийг нуухыг оролддог байжээ.

18 хүрснийхээ дараа Кэти энэ бүхнээс залхаж, гоо сайхны эмнэлэгт хандахаар шйиджээ. Тэрээр хамраа тэгшлүүлэхээс гадна богиносгож, хэлбэрийг нь өөрчлүүлсэн байна.

Мэс заслын нийт зардал 10 мянган ам.доллар болсон бөгөөд нөхөн сэргэх эмчилгээний хугацаа нь ч удаан байсан аж.

Тэгсэн ч мэс заслын өдөр түүний амьдралын хамгийн аз жаргалтай мөч байсан хэмээн Кэти хуваалцжээ.

Өдгөө Кэти зориг гарган гадаад төрхөө бүрэн өөрчилж чадсандаа хязгааргүй баяртай байгаа бөгөөд өөртөө итгэлтэй байдлыг өмнө нь хэзээ ч ийм ихээр мэдэрч байгаагүй гэжээ.

Үнэхээр ч түүний зургийг харсан хүмүүс сэтгэл татам төрхийг нь магтаж байна.

Мөн тэрээр нүүр будалтын мэргэжилтнээр ажиллах болж, сул талаасаа салахад эмээх хэрэггүйг хүмүүст уриалах болжээ.

Сонирхолтой нь Кэтиг дунд сургуульд байхад нь "тоть" хэмээн хочилдог байсан нэгэн залуу шинэ төрхийг харсныхаа дараа болзоонд урьсан гэнэ. Мэдээж хэрэг тэр татгалзсан хариу авсан байна.