Их Британийн иргэн, 39 настай Надиа Эссекс өмнө нь "Celebs Go Dating" хэмээх телевизийн реалити шоунд харилцааны зөвлөхийн үүргээр оролцож, улсдаа нэлээн танигдсан нэгэн аж. 

Тэгвэл саяхан тэрээр TikTok хуудас дээрээ нэгэн бичлэг оруулж, найз залуугийнхаа явдлыг мянга мянган дагагчиддаа зоригтой илчилсэн байна.

Тэрээр найз залуугийнхаа хэрэглэдэг FitBit ухаалаг цагийг өөрийнхөө утастай холбосон байжээ. Дасгал хөдөлгөөн тогтмол хийдэг хүнд зүрхний цохилт, гүйлтийн хурд, алхалтын тоо, туулсан зай зэрэг шаардлагатай мэдээллүүдийг харуулдаг тус төхөөрөмж өөрт нь гай болно гэдгийг Надиагийн найз залуу мэдээгүй аж.

Найз залуу нь "андуудтайгаа наргиад" оройтож ирсэн нэгэн шөнийн дараа, Надиа өглөө босоод утсаа шалгатал хачирхалтай мэдэгдэл ирсэн байжээ. Шөнийн 2 цаг болж байхад мань эр 500 калор шатаасан хэмээн ухаалаг цаг нь заасан байв.

Нэгэнт юу болсон нь ойлгомжтой тул Надиа өглөөний цайны дараа шууд шийдвэр гаргаж, түүнээс салсан болохоо TikTok-ийн бичлэг дээрээ ярьжээ.