1 Брайс Даллас Ховард (Bryce Dallas Howard)

Жүжигчин Брайс Даллас Ховард өөрийн нууцаа саяхан сэтгүүлчидтэй хуваалцсан байна. Тэрээр хүссэн үедээ жинхэнээсээ эвшээж чаддаг аж. Брайс мөн удаан хугацааны туршид дадлага сургуулилт хийсний хүчинд амаа огт нээлгүйгээр эвшээж сурсан байна. Үүний тусламжтай тэрээр удаан хугацаанд эвшээн нүдэндээ нулимс цийлэгнүүлж чаддаг болжээ. 

2 Жэйми Блэйкли (Jamie Blakely)

"If I Stay" киноны жүжигчин Жэйми Блэйкли толгойн дахь цусны эргэлтээ нэмэгдүүлж сурсан бөгөөд үүний нөлөөгөөр толгой нь өвдөж нулимс нь урсдаг гэнэ.

3 Эйми Адамс (Amy Adams)

Жүжигчин Эйми Адамс зүгээр л гунигтай дурсамжаа санах үед нулимс нь өөрөө урсчихдаг гэнэ. Тэрээр үүнийгээ хэд хэдэн ярилцлагын үеэр дурссан бөгөөд нэг бус удаа шууд нэвтрүүлгийн үеэр батлан харуулсан байдаг. 

4 Ширли Темпл (Shirley Temple)

Домогт жүжигчин Ширли Темпл хүүхэд байхдаа л худлаа уйлах "эрдэм"-д төгс нэвтэрсэн байжээ. Гэхдээ уйлах үзэгдэлд тоглосных нь дараа ээж нь очиж тайтгаруулдаг байсан бөгөөд дараагийн үзэгдэлд бэлэн болох хүртэл багагүй хугацаа өнгөрдөг байв. 

5 Анна Фарис (Anna Faris)

Харамсалтай нь зарим жүжигчид яаж ч хүчлээд өөрсдийгөө уйлуулж чаддаггүй байна. Тэдний нэг бол Анна Фарис юм. Анна төрөл бүрийн арга хэрэглэсэн ч нэг ч дусал нулимс дуслуулж үзээгүй гэнэ. Тиймээс тэрээр жижигхэн гаа нүдэндээ хийх аргаар уйлдаг хэмээсэн байдаг. 

6 Даниэл Калууа (Daniel Kaluuya)

"Get Out" киноны жүжигчин Даниэл Калууа театрын сургуульд сурсан мэргэжлийн хүн юм. Тиймээс тэрээр дүрдээ бүрэн орж чаддаг бөгөөд өөрийн дүрийнхээ мэдрэх ёстой сэтгэл хөдлөлийг чин сэтгэлээсээ мэдэрдэг байна. Үүний ачаар уйлах зэрэг бол түүний хувьд юу ч биш гэнэ. 

7 Даниэл Радклиф (Daniel Radcliffe)

Харри Поттерын дүрээр танигдсан Даниэл Радклиф өөрөөсөө илүү туршлагатай жүжигчдээс уйлах тухай суралцсан юм. Түүний хэлснээр хамгийн үр дүнтэй арга нь өөрт тохиолдсон гунигт дурсамжийг санах аж. 

8 Уилл Смит (Will Smith)

Зарим тохиолдолд чадварлаг найруулагч нар жүжигчдийнхээ сэтгэл хөдлөлд нөлөөлөн уйлуулж чаддаг. Жишээ нь найруулагч Жэймс Эйвори жүжигчин Уилл Смитийг залуу байхад нь дүрийнх нь нөхцөл байдлыг ёстой л нүдэнд үзэгдтэл тайлбарлаж өгсний дараа нулимс нь өөрийн эрхгүй асгарсан тухай Уилл Смит өөрөө дурссан байдаг. 

9 Мерил Стрийп (Meryl Streep)

Эцэст нь жинхэнэ авьяас чадвартай жүжигчид хүссэн үедээ л уйлдаг байна. Жишээ нь Мерил Стрийп хүссэн үедээ нулимсаа дуслуулдаг бөгөөд ингэхийн тулд ямар нэг арга хэрэглэдэггүй, зүгээр л төвлөрөхөд хангалттай байдаг гэжээ.