1
Хойд тэнгис болон Балтийн тэнгис
Хойд тэнгис болон Балтийн тэнгис Данийн Скаген хотын орчимд уулзалддаг боловч нягтын ялгаанаас болж ус нь хоорондоо огт холилддоггүй.
2
Газар дундын тэнгис болон Атлантын далай
Газар дундын тэнгис болон Атлантын далайн уулзвар Гибралтарын хоолойд бий. Хоёр талын ус нягтрал, давсжилтаараа ондоо учир хоорондоо мөн л холилдолгүй оршдог байна.
3
Карибын тэнгис болон Атлантын далай
Карибын тэнгис болон Атлантын далайн нийлдэг цэг Антиллын арлын бүсэд бий.
4
Суринам гол болон Атлантын далай
480 км урсаж Атлантын далайд цутгадаг Суринам голын адаг хаана байгааг усны өнгөөр нь төвөггүй мэдэж болно.
5
Уругвай мөрөн болон жижиг цутгал
Борооны улирлын үеэр Уругвай мөрний усанд шавар, хурдас ихсэж шар өнгөтэй болдог.
6
Рио Негру болон Солимоес гол
Бразилын Манаус хотоос 10 км орчимд Амазоны цутгалууд болох Рио Негру болон Солимоес голууд нийлэх боловч ус нь холилдолгүйгээр 4 км урсдаг. Рио Негругийн ус нь нэртэйгээ адил бараан өнгөтэй байхад Солимоес нь цайвар өнгөтэй. Энэ үзэгдлийг усны хэм болон урсгалын хүчтэй холбон тайлбарладаг байна.
7
Мозель гол болон Рейн мөрөн
Европын хоёр том гол нь Германы Кобленц хотын дэргэд нийлдэг. Мозелийн ус нь цайвар байхад Рейн мөрөн бараантан харагддаг.
8
Орхон гол болон Сэлэнгэ мөрөн
Орхон, Сэлэнгийн бэлчир Сэлэнгэ аймгийн Сайханы хөтөл орчим бий. Орхон гол нь Туул, Хараа, Ерөө зэрэг олон голын усыг авдаг тул ус нь илүү булингартай.
9
Ильц, Инн голууд болон Дунай мөрөн
Энэхүү гурван голын бэлчир дээр Германы Пассау хот бий. Ильц нь уулын жижигхэн гол бол цайвар өнгөтэй нь Инн, бараан нь Дунай мөрөн юм. Хэдий Инн гол илүү өргөн боловч Дунай мөрний нэг цутгал гэж тооцогддог.
10
Алакнанда болон Бхагиратхи гол
Хималайн нуруунд орших Энэтхэгийн Девапраяг хотын дэргэд Ганга мөрний цутгалууд болох Алакнанда, Бхагиратхи голууд нийлдэг. Алакнандагийн ус гүн хөх, Бхагиратхи нь цайвар ногоон өнгөтэй.
11
Эрчис мөрөн болон Ульба гол
Эрчис, Ульбагийн бэлчир дээр Казахстаны Усть-Каменогорк хот байгуулагджээ. Эрчис мөрний ус цэвэрхэн байхад Ульбагийн ус булингар ихтэй.
12
Хөх мөрөн болон Жиалин
Жиалин гол Хөх мөрөнд цутгадаг хэсэг Хятадын Чунцинь хотод бий. Хурдас ихтэй Хөх мөрний ус нь жилийн ихэнх үед бор өнгөтэй байдаг.
13
Эрчис мөрөн болон Омь гол
Эрчис мөрөн, Омь голын бэлчирт Оросын Омск хот байгуулагджээ. Омь гол нь илүү тунгалаг устай харагдаж байна.
14
Чуя болон Катунь гол
Алтайн бүгд найрамдах улсын Онгудай хэмээх газар Чуя болон Катунь голууд уулзаж, Обь мөрнийг "зорьдог". Чуя гол нь өвөрмөц цайвар саарал өнгийн устай бол Катунь нь үзэсгэлэнтэй номин ногоон өнгөтэй. Хоёр голын ус нийлснийхээ дараа холилдолгүй багагүй зайг туулдаг.
15
Грин гол болон Колорадо мөрөн
АНУ-ын Юта мужийн Каньонлендс үндэсний паркийн хавцлууд дунд Грин ("ногоон") гол Колорадо мөрөнд цутгана. Хоёр голын урсдаг гольдрилын чулуулгийн бүтэцээс болж Колорадо улаавтар, Грин гол ногоон өнгөөр урсана.
16
Ронь болон Арве гол
Энэхүү хоёр гол Швейцарийн Женев хотын ойролцоо нийлдэг. Зүүн талын Ронь гол нь Леман нуураас эх авдаг болохоор тунгалаг хөх, баруун талын Арве нь Альпийн мөсөн голуудаас эх авдаг тул хурдас ихтэй, цайвар өнгө бүхий устай.
