Та хүүхэд байхдаа морь болж тоглодог байсан байж болох ч чадварын хувьд хэзээ ч энэ бүсгүйтэй дөхөж очихооргүй байсан болов уу.

Ер бусын, содон чадвартай энэ эмэгтэй бол Норвеги улсын иргэн Аяла Кирстин юм. 

Тэрээр дөрвөн хөллөөд морь адил шогшиж, давхиж, тэр ч байтугай саад дээгүүр үсэрч чаддаг гэдгээрээ цахим орчинд олонд хүний анхааралд өртсөн байна. 

Германы твиттер хэрэглэгчид анх түүний ер бусын чадварт гайхширч, бичлэгийг нь хуваалцаж эхэлжээ. Яваандаа түүний бичлэг цахим орчинд хурдацтай тархаж, гайхшрал хачирхалын хажуугаар наргианы сэдэв ч болоод амжжээ.

Аяла ямар ч зам дээр дөрвөн хөллөн давхиж чаддаг. Түүний хийдэг энэхүү үйлдлийг шүүмжлэх хүмүүс олон гарч ирдэг ч тэрээр өөрийнхөө хүссэн зүйлийг хийж байгаа учир хөндлөнгийн хүмүүсийн шүүмж, доромжлолыг тооддоггүй гэнэ.

"4 настайдаа би нохойнд их дуртай, өөрөө ч нохой болохыг хүсдэг байлаа. Одоо ердөө л хүүхэд байхдаа өөрийнхөө сурсан зүйлийг хийж байгаа нь энэ" хэмээн Аяла INSIDER сэтгүүлд өгүүлжээ. 

Ингэж гүйхээр гар, бугуй нь гэмтдэг эсэхийг сонирхсон асуултад "Мэдэхгүй ээ, биед маань ямар ч өвчин мэдрэгддэггүй" хэмээн хариулсан байна.