Интернэтээр худалдан авалт хийх хүмүүс жилээс жилд нэмэгдэхийн зэрэгцээ Дэлхийн эрүүл мэндийн байгууллагаас энэ цаг үед цахим үйлчилгээ, цахим худалдааг ашиглахыг улс орнуудад зөвлөж, уриалж байна. Мөн вирусийн халдвар тархаад байгаа бусад бүс нутгуудын хувьд, хөл хорионы улмаас дэлгүүр, үйлчилгээний газрууд хаагдаж, цахим худалдаа үйлчилгээ 2019 онтой  харьцуулахад 30% гаруй өсөлтийг хэдийн үзүүлжээ.

Ийнхүү дэлхий нийтээрээ онлайн худалдан авалтад хурдацтай шилжиж байгаагийн гол учир шалтгаан нь мэдээж худалдан авагчдын аюулгүй байдал, тав тух юм. Цаг хэмнэлт, сонголт болон харьцуулалт, хямдрал урамшуулал, хувийн нууцлал зэрэг маш олон давуу талуудыг зөвхөн ONLINE худалдан авалт л танд өгч чадна. Иймээс ч ХХБ-наас иргэд, харилцагчдынхаа ONLINE худалдан авалтыг дэмжсэн олон урамшуулалт хөтөлбөр зарладгийн нэг нь “VISA-тай хамт” аян билээ. Энэхүү урамшуулалт аян 2020.08.19 - 12.14-ний өдрийг дуустал нийт 4 сарын хугацаанд үргэлжилж, одоогийн байдлаар 16,000 гаруй харилцагч амжилттай оролцож, нийт 8 сая гаруй урамшууллын эрхээ аваад байна.

Өнгөрсөн 7-н удаагийн урамшууллын тохирлоор нийт 70 харилцагч тодорч, өөрийн хүссэн интернэт худалдааны сайтаас 100$-ын худалдан авалт хийх эрхийн эзэн болсон бол 12-р сарын 15-ны өдөр зохиогдох эцсийн буюу 8 дахь удаагийн шалгаруулалтаар нийт оролцогчдын дундаас 10 супер харилцагч дансандаа 300$-н үлдэгдэл бүхий Олимпын картын эзэн болно.