АНУ-ын Миссури мужийн Канзас-Ситид нэгэн байкер хөл хөдөлгөөн ихтэй хурдны зам дээр өөрийн чадвараа харуулахаар шийджээ. Хурдны зам дээр бусад машинуудыг "сүлжиж" байхдаа тэрээр маневрээ буруу тооцоолсноос болж төмөр хүлэгтэйгээ унасан байна.

Газар хүчтэй унаснаас байкерын бүсэн дэх гар буу гал алдаж, сум нь хөөрхий залуугийн хөлөнд тусчээ. Энэ өдрийн бүтэлгүйтэл үүгээр дууссангүй. 

Хурдны замд амь өрссөн галзуу үйлдэл хийсэн түүнийг өндөр хурдтай явсан автомашин зогсож чадалгүй мөргөсөн байна. 

Үхэж ч болох байсан аймшигт явдлуудын дараа залуугийн бие сайнгүй байсан ч азаар амь гарсан юм. Ослын улмаас хүнд бэртсэн түүнийг цаг алдалгүй эмнэлэгт хүргэсэн бөгөөд эвдэрсэн мотоциклийнх нь эд зүйлсийг цагдаа нар хураасан байна. Цагдаа нар хохирогчийн ийм азгүй байдалд гайхаж, "юмыг яаж мэдэхэв" гээд түүнийг цагдаагийн газарт авчирчээ.

Байкер хууль зөрчсөн бөгөөд хориотой бодистой холбоотой асуудлаас болж хууль сахиулагчдын анхааралд өртөж байсан нь тогтоогджээ. Үүний дараа алба хаагчид хохирогчийн мотоциклийг сайтар шалгахад метамфетамин буюу төв мэдрэлийн системд хүчтэй нөлөөлдөг хар тамхийг олжээ.

Ослын хохирогч болж, буудуулсан байкер одоо ухаан орсон эсэх нь тодорхойгүй боловч ухаан ороход нь түүнийг өөр нэг таагүй гэнэтийн бэлэг хүлээж байгаа юм.