Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Бүгчим халуун өрөөнд унтах нь зүгээр ч нэг тав тухгүй байдал үүсгээд зогсохгүй мөн эрүүл мэндэд муугаар нөлөөлж байдаг ажээ. Энэхүү нийтлэлд сэрүүн өрөөнд унтсанаар бие махбодид ямар эерэг өөрчлөлтүүд ордог тухай мэдээллийг хүргэж байна.
Бага температуртай өрөөнд унтахад бие махбодийн “нойрны даавар” гэгддэг мелатонины нийлэгжилтийг дэмждэг байна. Энэ нь мөн антиоксидант тул биеийн хөгшрөлтийн эсрэг гормон болж өгдөг гэсэн үг юм.
Өндөр температур нь бие махбодоос кортизол хэмээх "стрессийн даавар"-ыг илүү их ялгаруулдаг байна. Илүү сэрүүн өрөө нь бидний кортизолын түвшинг хэвийн хэмжээнд байлгахад тусалдаг бөгөөд ингэснээр стресс багасаж, улмаар нойрны чанар сайжирна гэсэн үг юм.
Судалгаанаас харахад нойргүйдлийн хэд хэдэн хэлбэр нь биеийн өндөр температуртай холбоотой байдаг. Нойргүйдлээр шаналдаг хүмүүст биеийн температураа зохицуулахад бэрхшээлтэй байдгаас шалтгаалдаг ажээ. Унтлагын өрөөгөө илүү сэрүүн болгосноор таны биеийн температур буурч, нойр хүргэдэг байна.
Сэрүүн өрөөнд унтах нь чихрийн шижин гэх мэт бодисын солилцооны өвчин тусах магадлалыг бууруулдаг байна. Энэ нь зүрхний өвчин, сэтгэлийн хямрал, хэт таргалалтаас урьдчилан сэргийлэхэд тусалдаг бидний өсөлтийн дааврын түвшинг сайжруулдаг ажээ.
Бид гүн нойрондоо биеийн температурыг зохицуулж чаддаггүй. Цаашлаад тасалгааны өндөр температур нь биднийг гүн нойрноос сэрээх хүчин зүйл болж чаддаг тул сэрүүн өрөөнд унтах нь "сэрвэлзэх" магадлалыг бууруулах юм.
Эмэгтэйчүүд сэрүүн өрөөнд унтсанаар мөөгөнцрийн халдвараас урьдчилан сэргийлэх боломжтой юм. Бактери, мөөгөнцөр нь дулаан, чийглэг орчинд амьдрах чадвартай тул өрөөгөө сэрүүн байлгах нь зүйтэй.
Хэт халуун, бүгчим орчинд удаан хугацааг өнгөрөөхөд эрэгтэй хүнийг үргүйдэлд хөтлөх шалтааны нэг болдог гэнэ. Хүйтэн өрөөнд унтах, сул дотуур хувцас өмсөх нь үүнээс урьдчилан сэргийлэх юм.
Хүйтэн өрөөнд унтах нь хүний биеийн бодисын солилцоог сайжруулж, бие махбодоос илчлэг шатаадаг ажээ. Энэ нь бидний биеэс хүсээгүй өөх тосыг зайлуулахад тусалдаг бөгөөд ингэснээр жин хасахад дэмжлэг үзүүлдэг байна.
Биеийн хавдсан, үрэвссэн хэсэгт мөс эсвэл хүйтэн жин тавих зэрэгтэй адил хүйтэн өрөөнд унтах нь тайвшруулах үйлчилгээтэй бөгөөд өвдөлт намдаах, үрэвслийг арилгахад тусалдаг байна. Энэ нь тамирчид тоглолтын дараа хүйтэн өрөөнд унтахыг илүүд үздэг нэг шалтгаан юм.
