1 Орц:

• 1 жантай бэлэн гоймон (Chapagetti)
• 1 далайн бүтээгдэхүүний амттай бэлэн гоймон (Neoguri)
• 5 аяга ус
• 2 ногоон сонгино
• Үхрийн гол мах

2 Хийх дараалал:

• Усаа буцалгаад, тэр хооронд нь ногоон сонгиноо хэрчиж тавина. 
• Үхрийн гол махаа дөрвөлжин хэрчинэ. Аяганд хийгээд дээрээс нь бага зэрэг гүнжидийн тос, мирин цуу, давс, перец хийж амтлана. Эсвэл зөвхөн давс, перец хоёр байсан ч болно.
• Хайруулын тавгаа халааж махаа шарна.
• Бэлэн гоймонгуудаа задалж буцалж буй усанд хийнэ. Амтлагч, соуснуудыг шууд хийхгүй.

• 2 минут чанасны дараа гоймонгийн усны талыг нь асгаж, зөвхөн гоймонг далдлах төдий ус үлдээнэ. Дараа нь гал дээр буцаан тавьж, зөөлөн галаар үргэлжлүүлэн буцалгана.
• Дараа нь бэлэн гоймонгийн ногоо, амтлагч соуснуудыг нэмнэ. Жан гоймонг жигд бүрхтэл сайтар хутгах хэрэгтэй.

• Гоймонгийн ус бүрэн ширгэсний дараагаар шарсан махаа нэмээрэй. Дээрээс нь хэрчсэн ногоон сонгино тавьж болно.

Ингээд л "Жапагури" бэлэн боллоо. Сайхан хооллоорой!

Эх сурвалж: kimchimari