34 настай Бриттани Николь Потит нь хүч хэрэглэсэн, бусдын биед гэмтэл учруулсан хэргээр Сидней хотод баривчлагджээ. Хуучин гоо бүсгүй маань 43 настай экс найз залуутайгаа маргалдаж, улмаар нохойны төмөр гинжээр шавхуурдан биед нь шарх үлдээж, мөн хамрыг нь хугалсан байна.

Тэрээр 6 жилийн АНУ-ын Виржиниагаас Австралийн Сидней рүү шилжин амьдрах болсон аж. Австралид тэр хүний нөөцийн менежер, эвент зохион байгуулагчийн ажил хийж байв. Мөн Бриттани мэргэжлийн бөх болсон бөгөөд "Kingdom Wrestling Entertainment" клубын тулаануудад оролцдог байна.

6-р сард болсон шүүх хурлаар Бриттани өөрийгөө буруугүй гэж үзсэн бол 8-р сард найз залуугийнх нь хугарсан хамрын асуудлаар дахин нэг хэрэг үүсгэжээ. Шүүхийн үйл ажиллагаа ирэх 9-р сар хүртэл үргэлжлэх аж.

Гэхдээ энэ нь гоо бүсгүй цагдаа нарын анхаарлыг татсан анхны тохиолдол биш юм. 3 жилийн өмнө тэр үед салаагүй байсан Уэйд Маккензи мөн л түүнд зодуулсан хэрэг үүссэн ч гомдолгүй гэж мэдүүлж байжээ.

Түүнчлэн тэрээр Америкт амьдарч байхдаа өөрийнхөө согтуу байх үеийн зургийг "АНУ-ын архичин мисс" тайлбартайгаар цахим орчинд тавьснаас болж түүний 2012 оны "АНУ-ын мисс" шагналыг нь хураан авсан байна.