Хэдхэн хоногийн өмнө Пакистаны Засгийн Газраас "10 тэрбум модны цунами" гэх нэртэй үйл ажиллагаа нь амжилттай үргэлжилж буй тухай мэдэгдсэн. Энэхүү үйл ажиллагаа нь 2019 оноос хойш явагдаж байгаа бөгөөд дэлхийн дулааралтай тэмцэхээс гадна олон арван мянган хүнийг ажилтай болгожээ.
Пакистаны ерөнхий сайдын зөвлөх Малик Амин Аслам Баллокийн жилийн өмнөх ба одоог харьцуулсан зургийг Твиттер хуудсандаа нийтэлсэн байна.
Гэвч шашинд хэт автсан нутагт сайн сайхан зүйлс ч саад бэрхшээлтэй нүүр тулгардаг ажээ. Нутгийн иргэд өөрсдийн шашны үзлээсээ болж мод тарьсны эсрэг бослого гарган, сүйтгэх ажиллагаа явуулжээ. Тэдний үздэгээр ариун нутгийг байгаагаар нь байлгах ёстой гэнэ.
Мод суулгасан газрыг урьд өмнө нь хууль бусаар тухайн нутгийн удирдлагууд булааж байсан ч засгийн газраас эргүүлэн авч байсан байна.
Харин одоо бол тухайн газар улсын өмчид тооцогдож байгаа тул мод тарих нь ч нэг их асуудал үүсгээд байх ёсгүй байсан ажээ. Магадгүй нутгийн удирдлагууд шашинд хэт автсан иргэдийг мунхруулан ариун газрыг Засгийн Газраас бузарлах гэж байна хэмээн итгүүлсэн ч байж болох юм.
"100 модны цунами" үйл ажиллагаа бол Пакистаны төрөөс эхлүүлж буй байгаль орчны төлөөх түүхэн дэх хамгийн том төсөл юм. Одоогийн байдлаар 350 мянган гектар газарт мод тариад байгаа ажээ.
