1
I (0) бүлэг
1-р бүлгийн цустай хүмүүсийн хувьд тэд үнэхээр азтай юм. Учир нь тэд согтууруулах ундаанд донтохоос сэргийлсэн төрөлхийн сэтгэл зүйн хамгаалалттай байдаг бөгөөд энэ төрлийн хүмүүсийг архинд уруу татах хэцүү байдаг. Хэрвээ тэд өөрийн энэ хамгаалалтыг эвдэж, согтууруулах ундаа ууж эхлэх юм бол богино хугацаанд хоол боловсруулах эрхтнээ гэмтээх магадлалтай. Үүнээс гадна тэд өтөл насандаа зөнөх эрсдэл ихтэй байдаг ажээ.
2
II (A) бүлэг
2-р бүлгийн цустай хүмүүсийн хувьд согтууруулах ундаанд донтож, архичин болох магадлал маш өндөр. Энэ нь дотоод шүүрлийн эрхтний онцлогтой холбоотой бөгөөд эдгээр хүмүүс стресстсэн үедээ цусан дахь сахарын дутагдалд ордог байна. Тэдний хувьд энэхүү дутагдлаа согтууруулах ундаагаар нөхөх нь илүү хялбар санагддаг аж.
3
III (B) бүлэг
Азаар энэ бүлгийн цустай хүмүүсийн хувьд согтууруулах ундаа маш амархан шингэдэг ч, эрүүл мэндэд хамгийн бага хэмжээгээр хор учруулдаг байна. Тэд архинд донтох нь ховор бөгөөд донтсон тохиолдолд зүрх болон элэгний асуудалтай тулгардаг. Тиймээс эрдэмтэд 3-р бүлгийн цустай хүмүүст 20-оос дээшгүй градустай согтууруулах ундаа хэрэглэхийг зөвлөж байгаа аж.
4
IV (AB) бүлэг
4-р бүлгийн цустай хүмүүсийн хувьд согтууруулах ундаанд донтох нь юу л бол. Харин бодисын солилцооны асуудалтай тохиолдолд энэ төрлийн хүмүүс согтууруулах ундаанд донтох магадлалтай. Согтууруулах ундааг шимэгдүүлэх алкогольдегидрогеназ ферментийн ажиллагаа өндөр болон ацетальдегидрогеназ ферментийн идэвх суларсан тохиолдолд л эдгээр хүмүүс согтууруулах ундаанд донтдог байна.
5
Оросын наркологич Алексей Казанцев "LIFE" сэтгүүлд генетик согтууруулах ундааны донтолтод хэрхэн нөлөөлдөг талаар ярьсан бөгөөд архинд донтох нь удамшдаг гэж тэр үзжээ.
"Би 3-н үеийн архины хамааралтай хүмүүсийг эмчилсэн. Өвөө, хүү, ач. Үе ахих тусам донтолт илүү их болж байсан. Өвөө нь бага зэрэг, хүү нь арай илүү, харин ач хүү нь эцсийн шатанд ортлоо ууж байсан. Үүнээс гадна тэд хамтдаа огт амьдарч байгаагүй гэнэ. Тиймээс өссөн орчин согтууруулах ундаанд донтолтод нөлөөлдөггүй гэхэд болно".
