1
Хунтайж Чарьлз
Британийн хаан ширээний залгамжлагч, өдгөө 71 настай тэрбээр 3-р сарын 25-нд коронавирусын халдвар авсан нь тогтоогдсон. Тус өвчний шинж тэмдэг түүнд хөнгөн илэрсэн бөгөөд одоо Шотланд дахь харшдаа өөрийгөө тусгаарлаж байгаа гэнэ.
2
Их Британийн ерөнхий сайд Борис Жонсон
55 настай Борис Жонсоны 3-р сарын 27-д авсан шинжилгээний хариу эерэг гарсан. Тэрээр гэртээ өөрийгөө тусгаарлаж байгаа бөгөөд ажлаа цахимаар явуулахаа мэдэгдсэн юм.
3
Хөлбөмбөгийн "Арсенал" клубын дасгалжуулагч Микель Артета
Английн Премьер лигийн "Арсенал" клубын ахлах дасгалжуулагч Микель Артета өчигдөр тус вирусээр өвчилсөн нь тодорхой болсноор тус багийн Манчестер Сити-тэй хийх тоглолт цуцлагдаж, тамирчид хөл хорионд орсон.
4
"Юта Жазз" багийн тоглогч Рүди Гобер
Франц тоглогч Рүди Гобер тус вирусээр өвчилсөн нь тодорхой болсны дараа NBA гэнэтийн шийдвэр гаргаж, улирлын тоглолтуудыг бүрэн цуцалсан билээ. Рүди Гобер нь шинжилгээний хариу гарахын өмнө хэвлэлийн хурлын үеэр наргиан болгон сэтгүүлчдийн микрофонуудад албаар хүрсэн нь маш их шүүмжлэлд өртсөн юм.
5
Хөлбөмбөгч Пауло Дибала
Италийн "Ювентус" клубын шилдэг залуу тоглогч тэрээр халдвар авсан болохоо 3-р сарын 27-нд мэдэгджээ.
6
Сагсан бөмбөгч Кевин Дурант
Кевин Дурант тэргүүтэй "Брүүклин Нетс" багийн 4 тоглогч халдвар авсан болохыг 3-р сарын 17-нд зарласан. Тэгвэл эдгээр тоглогчид 14 хоногийн тусгаарлалтаа дуусгасан бөгөөд бүгд эдгэрсэн болохыг ойрын эх сурвалжууд мэдээлжээ.
7
Жүжигчин Ольга Куриленко
"Жэймс Бонд" цувралын од, франц жүжигчин бүсгүй Ольга Куриленко өнгөрсөн сарын 15-нд коронавирусын халдвартай болохоо зарлажээ.
8
Жүжигчин Идрис Эльба
Британийн алдарт жүжигчин Идрис Эльба коронавирусын халдвар авсан болохоо 3-р сарын 16-нд олон нийтийн сүлжээгээр зарлажээ. Хэдийгээр шинж тэмдэг илрээгүй байгаа ч тэрээр өөрийгөө тусгаарлаж эхэлсэн юм.
9
Том Хэнкс болон эхнэр Рита Уилсон
Алдарт жүжигчин Том Хэнкс, түүний эхнэр, дуучин, жүжигчин Рита Уилсон нар коронавирусээр өвчилсөн хамгийн анхны Холливудын төлөөлөл болцгоосон.
10
Жүжигчин Кристофер Хивью
"Хаан ширээний тоглоом" цувралд Тормундын дүрийг бүтээснээр нь бидний сайн мэдэх, 41 настай Кристофер Хивьюгийн шинжилгээний хариу эерэг гарсан нь өнгөрсөн сарын 17-нд тодорхой болсон. Тэрбээр гэрийнхэнтэйгээ хамт Норвегид тусгаарлагдаж байна.
11
Жүжигчин Дэниел Дэ Ким
"Hawaii Five-0" цувралд тоглож нэрд гарсан, солонгос гаралтай америк жүжигчний хувьд шинжилгээний хариу эерэг гарсан болохоо 3-р сарын 19-нд өөрийн инстаграм хаягаараа дамжуулан зарлажээ.
12
Дуучин Пинк
Өнгөрсөн баасан гарагт дуучин Пинк хоёр долоо хоногийн өмнө коронавирусын халдвар авсан болохоо, мөн түргэн тусламжийн төвүүдэд 1 сая доллар хандивлаж байгаагаа зарлажээ. Харин одоогийн байдлаар тэрбээр эдгэрсэн бөгөөд хэдхэн хоногийн өмнө өгсөн шинжилгээ нь сөрөг гарсан болохыг тэрбээр хэлсэн юм.
