Удаан хугацаанд хуйхандаа массаж хийхгүй байснаар хуйхны уян хатан, сунах чадвар алдагдаж, гавлын ясанд наалдаж эхэлдэг. Ингэснээр цусны бичил эргэлт удааширч, толгой болон нүүрний доод хэсгийн хатуу шинж чанарт нөлөөлдөг. Энэ нь зовхи унжиж, гүн үрчлээ суух, нүүр ерөнхий хэлбэрээ алдахад хүргэдэг байна. Тиймээс та эл дасгалыг өдөр бүр хийснээр доорх эерэг үр дүн гарна:
- Үсний уутанцарт тэжээл өгч, үс хурдан ургана
- Цусны эргэлт сайжирна
- Зүрхний үйл ажиллагаа хэвийн болно
- Толгойн өвдөлт буурна
- Нүүрний хаван бууна
- Үрчлээ мэдэгдэхүйц арилж эхэлнэ .
1
Чихний дээд талд
Үсээ чихнээсээ 2 см дээш өргөн, буцааж буулгах маягаар хуйхандаа зөөлөн массаж хийнэ. Дараа нь толгойгоо урагш тонгойлгон гараараа цагийн зүүний дагуу болон эсрэг тойруулан хөдөлгөж массажлана.
Хугацаа : 30-40 секунд.
2
Чихний ар
Үүний дараа үсээ толгойн ардаа гаргаад, хуруугаараа зөөлөн дарж, хойноос нь урагш чиглүүлэн хуйхандаа зөөлөн массаж хийнэ. Мөн гараа энэ байрлалаар нь цагийн зүүний дагуу болон эсрэг тойруулан массаж хийж өгнө.
Хугацаа : 30-40 секунд
3
Үсний дагуу
Үсээ толгойн ар хэсэг болон духны урдуур гарган бариад, гараа урдаас нь хойш, хойноос нь урагч чиглүүлэн зөөлөн дарж цагийн зүүний дагуу болон эсрэг тойруулан ээлжлэн массаж хийнэ.
Хугацаа : 30- 40 секунд
4
Духны массаж
Хуруугаа толгойн дух хэсэгт байрлуулж, урдаас нь хойшоо гүйлгэн, зөөлөн дарж массаж хийнэ. Өвдөлт мэдрэгдэж байгаа хэсэгтээ илүү чанга дараарай.
Хугацаа : 30-40 секунд
5
Дагзны массаж
Хоёр гарынхаа хурууг толгойн ар хэсэгт байрлуулж бага зэрэг дарж өгөн, хүзүүрүүгээ доош чиглүүлэн массажлана. Өвдөлт мэдрэгдэж буй хэсэгтээ илүү чанга дараарай.
Хугацаа : 30-40 секунд.
6
Дагзны тойрог массаж
Гараа зангидаж байгаад толгойн ар хэсэгтээ чанга даран байрлуулж, тойрог хэлбэрээр массажлаж өгнө.
Хугацаа : 30-40 секунд
Эдгээр дасгалыг хэзээ ч хийх боломжтой ч өглөө боссоныхоо дараа цэх сууж байгаад эсвэл зогсож байгаад хийвэл илүү үр дүнтэй.
