Хүйтэн шүршүүрт орох нь юу юунаас илүү эрүүл мэндэд тустай гэнэ. Клинт Эмерсон ажлын шаардлагаар хүйтэн усанд маш их хугацааг өнгөрүүлдэг, усан дотор дадлага сургуулилт их хийдэг байна. Ийнхүү тэрээр хүйтэн усанд орж, биедээ цочрол өгч байх талаар шинжлэх ухааны үндэслэлтэй тайлбарлажээ. 

Юун түрүүнд, мэргэжлийн тамирчид дасгал хийж дуусаад, эхлээд халуун, сүүлд нь хэсэг хугацаанд хүйтэн усанд орж, сэргэлт авдаг. Дасгал хийсний дараа хүйтэн шүршүүрт орсноор бүх биеэр судасны нарийсалт явагдаж, сүүн хүчлийн бактерийг биеэс шахаж гаргадаг. Ийнхүү бие махбод хөнгөрч, маргаашийн бэлтгэлд бэлэн болдог байна. 

Үүнээс гадна хүйтэн шүршүүрт орох нь нэг төрлийн эмчилгээ юм. Хэдийгээр тухайн үедээ хэцүү байх ч, энэ нь хүний эрүүл чийрэг байдлыг хадгалахаас гадна үе мөчний үрэвслийг намдааж, цусны эргэлтийг дэмждэг учир хөдөлгөөний уян хатан байдалд тустай ажээ. 

Үүнээс гадна эхлээд халуун усанд, дараа нь хүйтэн усанд орох нь дараах давуу талуудтай.

• Сэтгэл гутралыг арилгахад туслана.
• Цусны цагаан эсийн тоог нэмсэнээр дархлааны системийг сайжруулна.
• Эрчүүдэд тестостерон дааврын хэмжээг нэмэгдүүлнэ.
• Цусны эргэлтийг сайжруулж, булчинг нөхөн сэргэхэд туслана.