Тэд хамт ажиллаж байхдаа танилцсан ба хоорондоо 20 жил нөхөрлөжээ
Найзуудын нэг Чин Ду “Эхэндээ бид тоглоом болгож ярьдаг байсан. Өтлөхөөрөө 60 насандаа хамтдаа амьдарна аа гэж” гэж хэлж байсан юм.
Өнгөрсөн жил бүсгүйчүүд Гуанжоу хотоос 70 км талбайтай нэгэн дутуу баригдсан барилгыг худалдаж авчээ
Байшингийн эргэн тойронд будааны талбай байдаг бөгөөд энэхүү 3 давхар байшин нь нийт 7 унтлагын өрөө, тохилог зочны өрөө, маш урт ширээтэй, саруул том тагттай юм. Тэд тавилгуудаа Энэтхэг болон Мароккогоос авчээ.
Мөн бүсгүйчүүд хамтдаа үдийн цай зооглох дуртай учир гэрийнхээ гадаа хулсаар саравч хийсэн байна.
Одоо тэд таазнаасаа шал хүртлээ том цонхтой, усанд сэлж болох бассейнтэй гэрт долуулаа амьдарч байгаа билээ.
Бүсгүйчүүд тэтгэвэрт гарахад нь хэрэг болох сайн зуршлуудтай болохоор тохиролцож хоол хийх, Хятадын уламжлалт анагаах ухаан, ногоо тарих, хөгжмийн зэмсэг тоглоход суралцаж байгаа аж.
“Бид бүгдээрээ бие даасан хүмүүс боловч бие биедээ итгэж найдахад үргэлж бэлэн байдаг” гэж Чин хэлэх дуртай байдаг.
Түүнчлэн тэрбээр “Бид ирээдүйд ч хамтдаа ярилцаж, барбекью хийж, дуулж бүжиглэж, ногоо хураах болно. 10 жилийн дараа үр хүүхдүүд маань өсөж том болцгоож бүгд цугтаа цагийг өнгөрүүлнэ гэдэгт найдаж байна” хэмээн нэмж дурдсан юм.
