1 Макарони оцон шувуу

Нийт шувууны төрөл зүйлүүдийн 90 хувь нь хослон амьдардаг ч Макарони оцон шувуу шиг үнэнч шувуу ховор юм. Энэ төрлийн оцон шувуу хостойгоо цуг байхдаа цээжээ дэлдийлгэн толгойгоо хаялан хөндий дуугарч бүжиглэдэг. Дэгдээхийтэй болсон хойноо аав нь хүүхдээ хардаг бол ээж нь анд явдаг. 

2 Канад тогоруу

Хүмүүс дотоод сэтгэлдээ юу мэдэрч байгаагаа дуу шүлгээр илэрхийлдгийн нэгэн адил энэхүү тогоруу нь хостойгоо харилцаагаа улам бататгахын тулд хослон дуулж бүжиглэдэг.

3 Далайн морь

Эрэгчин нь зулзагаа тээдэг гэдгээрээ бусад амьтдаас онцгойрдог далайн морины хувьд хос болохынхоо өмнө хамтдаа сүүлээ нийлүүлж бүжиглэдэг байна. Харин эмэгчин далайн морь эрэгчнээ хардаж бусад эмэгчингүүдтэй өрсөлддөг гэнэ. 

4 Саарал чоно

Альфа эр чоно өөрийн насан туршдаа хамт амьдрахаар сонгосон гичий чонын хамт сүргээ манлайлах бөгөөд бусад нь тэднийг ямар ч эргэлзээгүй дагадаг. 

5 Шар шувуу

Шар шувуунууд өөрсдийн хайрыг илэрхийлэх тусгай хэлтэй байдаг. Эрэгчин нь эмэгчингээ татахын тулд үхсэн хулганаар дайлж, "дуу дуулж" өгдөг аж.

6 Австралийн могой гүрвэл

Австралид амьдардаг энэхүү гүрвэл нь жил бүрийн орооны үеэр нэг сонгосон хамтрагчтайгаа л эвцэлдээнд ордог. Эрэгчин нь эмэгчингийнхээ биеийг долоож татах ёстой гэнэ. Эмэгчин гүрвэл нэг сонгосон эрэгчинтэйгээ дор хаяж 20 жил дараалан нийллэгт ордог бөгөөд орооны үеэр хосууд бие биенээсээ салахгүй явдаг гэнэ шүү. 

7 Халзан бүргэд

Яг чоно шиг халзан бүргэд нэг л хамтрагчтайгаа эвцэлдээнд ордог. Сонирхолтой нь эр бүргэд нь өндгөө дардаг бөгөөд дэгдээхий болсон хойно нь ч бас хооллож, өсгөх ёстой байдаг гэнэ.

8 Гиббон сармагчин

Гиббон сармагчин хүнтэй тун төстэй. Тэд нэг нэгэндээ дурлаж, мууцалдаж, бүр салж нийлдэг. Гэхдээ тэд ихэвчлэн нэг сонгосон хамтрагчтайгаа байдаг бөгөөд хүүхдээ хамтдаа өсгөдөг. 

9 Хар тас

Тасууд хэдийгээр муу нэртэй ч нэг сонгосон ханьтайгаа насыг бардаг аж. Тэд нэг нэгнээ хүзүүгээ сунган тэврэх замаар хайраа илэрхийлдэг. Жилд нэг удаа өндөглөх бөгөөд хосууд 24 цагийн ээлжтэйгээр өндгөө дардаг аж.

10 Минж

Хэдийгээр минж хэрхэн хамтрагчаа сонгодог талаарх мэдээлэл бага хэдий ч нэг сонгосон хамтрагчтайгаа насаараа хамт байдаг нь үнэн гэнэ.  Гэхдээ энэ нь зөвхөн Европын минжнүүдэд хамаатай баримт юм. Хойд Америк дахь минжнүүд араар тавьдаг гэнэ. 

11 Хун

Хун шувуу хайрын бэлгэдэл болсонд гайхах хүн ховор биз. Тэд нэг нэгэндээ хайраа илэрхийлэхдээ толгойгоо нийлүүлэн зүрхэн хэлбэр үүсгэдэг бөгөөд нэг хамтрагчтайгаа үхэн үхтлээ хамт амьдардаг билээ.