1
"Chevrolet Colorado ZR2 Bison"
"American Expedition Vehicles" болон "Chevrolet"-ийн хамтарч хийсэн уг машин нь төрөл бүрийн бартаатай, уулархаг замд зориулагджээ. 308 морины хүчин чадалтай 3.6 литрийн V-6 бензин болон 181 морины хүчтэй 2.8 литрийн I-4 хөдөлгүүрүүдтэй 2 загвартай аж.
2
"Jeep Gladiator"
"Wrangler" загварын шинэчилсэн хувилбар бөгөөд энэхүү жагсаалтад заавал байх ёстой машины нэг юм. 285 морины хүчтэй 3.6 литрийн V-6 хөдөлгүүртэй бөгөөд 2020 онд дизель хөдөлгүүртэй загвар гарахаар төлөвлөжээ.
3
"Ford Raptor"
2019 оны "Raptor" загвар бартаа туулах шинэ системтэй болсон бөгөөд агаарт хөөрөх, жижиг саад, даваа туулахад дотор байгаа хүнд доргилт маш бага мэдрүүлдэг болсон гэнэ. 3.5 литрийн V-6 хөдөлгүүртэй бөгөөд 450 морины хүчтэй аж.
4
"GMC Sierra AT4"
Зөвхөн бартаат гэлтгүй бүх л төрлийн замд тохирсон бөгөөд энгийн загвар нь 5.3 литрийн V-8 хөдөлгүүртэй юм. Мөн 6.2 литрийн V-8 болон 3 литрийн I-6 дизель хөдөлгүүрүүдийн сонголттой аж.
5
"Ram Rebel TRX"
Бартаат замд 160км/цагийн хурдтай явах боломжтой бөгөөд 13 инчийн тулгуурын систем нь ямар ч саадыг үл тоох чадалтай аж. Энэхүү машин нь 520 морины хүчтэй 7 литрийн V-8 хөдөлгүүртэй юм.
6
"Hennessey Goliath 6x6"
705 морины чадалтай 6.2 литрийн V-8 хөдлгүүртэй энэхүү шороон замын мангас нь 6 дугуйгаараа мааждаг бөгөөд 375,000$ үнэтэй юм.
7
"Land Rover Discovery SVX"
Сүүлийн үед засмал замаар давхих болсон "Land Rover" машины шинэхэн загвар нь 525 морины чадалтай бөгөөд 5 литрийн V-8 хөдөлгүүртэй аж.
8
"Mercedes-Benz G550"
"G-Class"-ийн 2019 оны загварын гаднах байдалд олон өөрчлөлт гараагүй боловч хэмжээ нь илүү томорсон бөгөөд 422 морины хүчин чадалтай 4 литрийн V-8 хөдөлгүүртэй ажээ.
9
"Ram Power Wagon"
Энэхүү жагсаалтын хамгийн бат бөхөөр нэрлэгдэх уг машин нь 410 морины хүчин чадалтай 6.4 литрийн V-8 хөдөлгүүртэй юм.
10
"Mercedes-Benz Sprinter 4x4"
190 морины чадалтай 3 литрийн дизель V-6 хөдөлгүүртэй энэхүү машин нь жагсаалтын хамгийн хүчтэй нь биш байж болох ч хамгийн тав тухтай нь юм.
11
"Nissan Titan Pro-4X"
Уг машин нь 390 морины хүчтэй 5.6 литрийн V8 хөдөлгүүртэй бөгөөд "Pro-4X" гэх шинэ доргилтын системээр тоноглогджээ.
12
"Toyota Tacoma TRD Pro"
Энэ машин 278 морины хүчтэй, 3.5 литрийн V6 хөдөлгүүртэй бөгөөд ямар ч бартаат замд саадгүй давхиж чадна.
