10 Хоёр хүйсийн шинж чанарыг агуулсан гадаад төрх

Хүмүүс гадаад төрхөөрөө хүний анхаарлыг илүүтэй татдаг. Эмэгтэйчүүд эрэгтэйлэг, эрчүүд нь эмэгтэйлэг төрхтэй харагдах нь илүү сэтгэл булаам харагддагийг эрдэмтдийн судалгаа харуулсан байна. Гэхдээ байгалиас заяасан төрхөөрөө биш хувцасны хэв маягаараа ийм дүр төрхийг бий болгож болдог юм. Тэгэхээр ярилцагчаа өөртөө илүү татахын тулд эрчүүд ягаан цамц өмсөж, бүсгүйчүүд жинс өмсөөд үзээрэй. Энэ нь эсрэг хүйстэнд нь илүү таалагддаг байна.

9 Цусан дахь адреналины хэмжээ

Адреналин нь эргэн тойрныхонд хүчтэй нөлөө үзүүлдгийг судалгаагаар нотолсон байна. Гэхдээ энэ нь ямар нэг уулзалтын өмнө шүхрээр бууж, спортоор хичээл гэсэн хэрэг биш, харин сэтгэл хөдөлгөхөөр хурц үйл явдалтай дүрс бичлэг, кино үзэхэд л хангалттай. Адреналин нь сэтгэл санааны ачааллыг бууруулж, өөртөө итгэх итгэлийг нэмэгдүүлдэг бөгөөд энэ нь сэтгэл булаам төрхийг бий болгодог байна.

8 Даруу төлөв байдал

Эрчүүдэд ч, эмэгтэйчүүдэд ч төлөв даруу хүн илүү таалагддагийг судалгаа тогтоожээ. Ийм хүн эргэн тойрныхондоо бодь хүн болохыг илэрхийлж илүү их сэтгэл татам харагддаг гэнэ.

7 Өөдрөг үзэл

Хүнд байх ёстой хамгийн том нэг чанар бол ямагт, таагүй үед ч гэсэн өөдрөг бодолтой байх юм. Гутранги, хөмсөг зангидсан баргар хүнийг бодвол өөдрөг үзэлтнүүд бусдыг өөртөө илүү татдаг юм шүү дээ. 

6 Олон талын сонирхол

Олон төрлийн сонирхолтой, ямар ч сэдвээр ярьж чаддаг хүнийг хүмүүс их хүрээлдэг байна. Нөгөө талаар бусдыг анхааралтай сонсож чаддаг, бэрхшээлтэй асуудлыг шийдвэрлэхэд өөрийн санаа бодол, зөвлөгөө өгч чаддаг байх нь бусдыг өөртөө татах нэг гол шинж болдог гэнэ.

5 Чин сэтгэлээсээ инээдэг

Чин сэтгэлээсээ инээнэ гэдэг сэтгэл булаам байхын нэг нууц, энэ нь хэнийг ч болов, тэр бүү хэл хахир хүнийг ч болов өөртөө татаж, инээмсгэлүүлж чаддаг нэг урлаг юм. Хэчнээн сайхан, чин сэтгэлээсээ инээнэ энэ нь бусдад сэтгэл булаам харагддаг гэдэгтэй судлаачид санал нэг байна.

4 Өөртөө итгэлтэй байх

Эргэн тойрныхон чинь өөрийг тань сонсож, анхаарч, байдаг ч гэлээ тэд юманд хэмжээ хязгаар байдгийг хэзээ ч мартаж болохгүй. Ажил дээрээ, хувийн харилцаанд ч гэсэн  сэтгэл булаам байхад энэ хязгаар зайлшгүй байх ёстой. Хамгийн гол нь бардам, биеэ тоосон байдал руу халтирч болохгүй гэдгийг санаарай.

3 Таагүй нөхцөл байдлыг давж гарах чадвар

Ямар нэгэн таагүй нөхцөл байдал, бэрхшээлийг хэрхэн даван туулж байгаагаар нь хүмүүс бие биенээ үнэлдэг. Хүнд бэрх нөхцөл байдлыг эвтэйхэн даваад гарчихдаг хүнийг бусад хүмүүс ихэд үнэлдэг. Ингэснээрээ та асуудлаа эвтэйхэн даван туулахаас гадна бусдыг ч тав тухтай байхад нөлөөлдөг юм. 

2 Анхаарал, мэдрэмжтэй байх

Бусдад анхаарал тавьж, хэн нэгний төлөө санаа тавин нөхцөл байдалд тохирсон асуулт тавьж чаддаг байх нь эргэн тойрныхноо татах нэг чухал шинж чанар юм. Ийм хүний дэргэд байгаа хүн тааламжтай уур амьсгалд татагдан өөрт тохиолдсон явдлаа мартагнаж сэтгэл тайван байдаг. Ийм халамжтай хүн бусдад илүүтэй таалагддаг.

1 Сайхан сэтгэл

Аливаа хүн үг хэлнээс үйл ажилд шилжиж бусдад хэрэгтэй үед нь тусалж чаддаг бол анхаарлын татна хэзээ ч үлдэхгүй. Сайхан сэтгэл бие сэтгэлийн таатай байдалд ч нөлөөлдгийг эрдэмтэд баталж байна. Хүн гаднаасаа хэчнээн сайхан харагдаж байсан ч муухай араншинтай байж болно. Үүн лүгээ гадна төрхөөсөө илүүтэй сайхан сэтгэлтэй хүн олон шүү дээ.