Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Шинэ он гарах мөч улам ойртсоор охид бүсгүйчүүд хувцасны шүүгээгээ шинэчлэхээр яарч байгаа нь гарцаагүй. Хэрвээ тийм бол бид та бүхэнд 2019 онд трэнд болох загварын чиг хандлагыг хүргэж байна.
Зөвхөн загварын тайзан дээр гарч ирдэг өдтэй хувцас хавар намрын нөхцөлд тун тохиромжтой учраас трэнд болох хандлагатай байна.
"Michael Kors", "Gucci" мөн "Miu Miu" зэрэг брэндүүдийн ирэх оны цуглуулга тэр чигтээ 60-аад оны өнгө аястай болжээ. Тийм болохоор та ч бас 60-аад оны хэв маягийг дуурайхад илүүдэхгүй.
"Prada" брэндийн шинэ цуглуулга барын арьс мэт судлан өнгөтэй болсон нь цаанаа нэг зүйлийг хэлээд байгаа. Ирэх онд ийм хувцсаар биеэ гоёсон хүмүүс олон байх нь тодорхой.
Барын хажуугаар могойн арьсан хээг мөн томоохон брэндүүд түлхүү хэрэглэх болсон. Мэдээж хэрэг могойн арьс мэт харагдах хүрэм, гутал, цүнх зэрэг хэзээд эрэлттэй байдаг. Тиймээс энэ трэнд хэзээд таны шүүгээг чимэх болно.
Ганцхан ковбойчууд урт эмжээртэй хувцас өмсдөггүй бололтой. Учир нь эмэгтэйчүүд ч бас урт эмжээр сонирхох болсон бөгөөд 2019 онд хүн бүр урт эмжээр хийлгэдэг болох юм.
90-ээд оны үед хүн бүр өмсдөг байсан бариу богино шорт эргэн ирлээ. Гэхдээ үүнийг зөвхөн зуны улиралд бус хавах намар өмсөхөд тохиромжтой гэж загвар зохион бүтээгчид үзсэн учраас зарим нэг хавар намрын цуглуулгад багтсан байна.
Неон буюу хэт тод өнгө нэг хэсэг хуучраад байсан бол эргээд трэнд болж эхлээд байна. Ялангуяа эмэгтэйчүүдийн хувьд ягаан болон ногоон өнгийн неон хувцас илүү эрэлттэй байх бололтой.
Нэхэж хийсэн цамц болон банзал зэрэг нь харьцангуй үнэтэй ч бүсгүй хүнийг илүү цэвэрхэн харагдуулдаг гэдэгтэй хэн ч маргахгүй биз. Тиймээс ирэх жил заавал нэг нэхмэл хувцас худалдан аваарай.
"Phillip Lim" болон "Valentino" брэндүүд шинэ цуглуулгуудаа тэр чигт нь цэцгийн хээгээр гоёсон байсан нь олон хүний анхаарлыг татаж чадсан. Тиймээс ийм хээтэй хувцас 2019 онд эрэлттэй байх нь тодорхой биз.
