1
Яриаг нь дуустал сонс
Ямартай ч нөгөө хүнийхээ үгийг дуустал нь сонс. Учир нь тэр чухал зүйл хэлэхийн тулд таны яриаг тасалсан байж магадгүй. Харин тэр зүгээр л таныг яриулахгүйн тулд дэмий чалчиж байгаа бол хэдхэн үг хэлээд л өөрөө амаа хамхих болно.
2
Хэдий таалагдахгүй байсан ч хүлээцтэй ханд
Дургүй хүргэсэн хүний хэлсэн бүхнийг үгүйсгэх тун амархан, гэхдээ зөвхөн тэвчээр л таныг хол хүрэхэд тусална гэдгийг мартаж болохгүй.
3
Тэд ямар ч үед эелдэг байдаг
Хариутай бол бариутай байдаг учир та түүний яриаг зөрүүлж таслах гэсний хэрэггүй. Харин ч түүнд өөрийгөө илүү эелдэг хүн болохыг мэдрүүлэх хэрэгтэй.
4
Үл тоомсорло
Хэрвээ таныг яриулахгүй таслаад байвал өөрт нь анхаарал хандуулах хэрэггүй. Ингэж чадвал тэр өөрийг нь хүндлэхгүй байгааг ойлгож ярихаа болино. Бүх зүйл хүссэнээр нь болохгүй байж болно гэдгийг ойлгох нь түүнд сургамж болох болно.
5
Өөртөө анхаарч, өөрийгөө тань
Ихэнх тохиолдолд бид сайн зөвлөгч байж чаддаг ч сайн сонсогч байж чаддаггүй. Тийм учраас ярилцагчийнхаа хэлсэн бүгдийг сайн сонсож авах хэрэгтэй. Сайн сонсогч байх нь зарим үед давуу талыг бий болгодог гэдгийг бүү март.
6
Гүн амьсгаа авч түр завсарла
Ингэснээр танд төрсөн дургүйцэл, уур уцаар гээд ямар ч мэдрэмжийг цаг алдалгүй намжааж болно. Хий дэмий бухимдахын оронд ганц сайхан гүнзгий амьсгаа авчих.
7
Дургүйцлээ илэрхийл
Хэрвээ танд түүний яриа тасалж байгаа нь огт таалагдахгүй байвал шууд л хэлж орхи. Чухам яаж хэлэх вэ гэдэг л хамгийн чухал. Төрсөн дургүйцлээ тайван бөгөөд эелдгээр хэлбэл та хүссэн үр дүндээ хүрэх болно.
8
Ярианы сэдвийг өөрчил
Магадгүй та хоёр ямар нэг сэдвээр ярилцлаа гэж бодоход тэрхүү сэдвийн талаар нөгөө хүн илүү мэдлэгтэй, та бараг мэддэггүй байж болно. Энэ тохиолдолд та аль болох мэдэгдэлгүйгээр ярианы сэдвийг өөрчлөх хэрэгтэй. Ингэж чадвал та хоёрын харилцан яриа илүү үр дүнтэй болох болно.
