1 Нүүрний хэлбэрээ тодорхойлох нь

Үүний тулд та өөрийн магнай дээрх үс эхэлж байгаа цэгээс эрүү хүртэлх урт болон дух хоорондын, хоёр хацар хоорондын, эрүүний өргөн зэргээ тус тус тодорхойлох хэрэгтэй.

• Урт нүүр, өргөн хацартай бол зууван
• Дух болон эрүүний өргөн нь тэнцүү, урт нүүртэй бол тэгш өнцөгт
• Дух болон хацрын өргөн ижил бол дугараг
• Дух болон эрүүний өргөн ижил бол дөрвөлжин
• Эрүү хэсгээрээ өргөн, хацар төвгөр, дух хэсгээрээ нарийссан байвал гурвалжин
• Хацар томтой, дух, эрүү жижигтэй бол ромбо
• Дух, хацар өргөн, эрүү жижиг бол урвуу гурвалжин хэлбэрийн нүүртэй гэсэн үг.

2 Зөв үсний засалт сонгох нь

Нүүрний хэлбэрээ тодорхойлсон бол та түүндээ тохируулж үсээ засуулах хэрэгтэй. Ерөнхийдөө нүүрнийхээ сул талыг нууж, давуу талыг тодотгох үсний засалт сонгох хэрэгтэй гэж ойлгож болно.

3 Зохисон сахал тавьж, зөв нүдний шил сонгох нь

Шил зүүх нь гадаад төрхөд яаж ч нөлөөлж чадна. Тиймээс нүүрний хэлбэртээ тохируулж шилээ сонгохыг танд зөвлөж байна. Мөн үсний засалттай нэгэн адил сахлыг нүүрний хэлбэртээ зохицуулан ургуулах хэрэгтэй.

4 Зууван хэлбэрийн нүүрэнд:

Зууван нүүрийг төгс хэлбэртэй гэж үздэгийн учир нь бүх төрлийн нүдний шил болон ямар ч сахал зохидогт байгаа юм. Гэхдээ та ийм хэлбэрийн нүүртэй бол дараах хоёр зөвлөгөөг дагахад илүүдэхгүй.

• Том дугуй шил зүүхгүй, дух руугаа их үс оруулахгүй, нарийхан хууз тавихгүй байх.
• Ирмэг нь бөөрөнхий тэгш өнцөгт хэлбэртэй шил илүү зохино.

5 Тэгш өнцөгт хэлбэрийн нүүрэнд:

Ийм хэлбэрийн нүүр хурц өнцөг, шулуун шугамаар (хацрын яс, эрүү) дүүрэн тул "зөөлрүүлэх" арга хэмжээ авах нь зүйтэй. 

• Нисгэгчийн шил буюу гурван өнцөгтэй дугараг шил төгс зохино.
• Нарийхан, гонзгой шилнүүд тэгш өнцөгт хэлбэртэй нүүрийг улам нарийсгаж харуулдаг тул татгалзаарай.

• Нүүрийг улам урт харагдуулах ямаан сахал тавиад хэрэггүй.
• Оронд нь эрүүг бүрсэн багахан сахал сайхан харагдана.

6 Дугараг хэлбэрийн нүүрэнд:

Дугараг нүүрийг урт харагдуулахын тулд дух, хамар, эрүүг илүү тодотгож өгөх нь зөв.

• Бөөрөнхий эсвэл урт нарийн шил зүүх хэрэггүй. Харин доорхтой адил дөрвөлжин загварын шил танд тохирно.

• Хууз сахал, оочны сахал, ямаан сахал зохино.

7 Дөрвөлжин нүүрэнд:

• Тэгш өнцөгт хэлбэртэй шил дух хэсгийг бүр өргөн харагдуулдаг учраас бөөрөнхий эсвэл нисгэгчийн шил зохино.

• Нүүрийг урт харагдуулахын тулд эрүүнийхээ сахалд анхаарал хандуулаарай. Ямаан болон живэр сахлыг хослуулах хэрэгтэй. 

8 Гурвалжин нүүрэнд:

• Дээд талын хүрээ нь өргөн шил зүүгээрэй. Ингэснээр таны дух өргөн харагдана.

• Доорх зургуудтай адил эрүүг далдлах байдлаар сахлаа ургуулаарай. 

9 Ромбо хэлбэрийн нүүрэнд:

Ийм нүүрний хацар хэсэг хамгийн өргөн тул дух, эрүү хэсгийг тодотгож өгөх хэрэгтэй.

• Өргөн хүрээтэй том шил тохиромжтой

• Өтгөн ургуулсан хууз сахал сайхан харагдана. Эсвэл эрүү хэсгийн болон амны эргэн тойрны сахлыг ахиухан ургуулах нь зүгээр.

10 Урвуу гурвалжин хэлбэрийн нүүрэнд

• Нарийхан гартай, дугараг ирмэгтэй шил өргөн духыг засаж харагдуулдаг учраас ийм төрлийн шил зүүх хэрэгтэй.

• Эрүү хэсгийг тодотгох өтгөн сахал тавих хэрэгтэй. Эрүү, уруул хавьцаа өтгөн, хоёр шанаа руу нарийссан сахал байж болно.