1 Чигчий хуруугаа өргөж барьж байвал:

Та бол төрөлхийн удирдагч. Өөртөө итгэлтэй, амьдралд юу хэрэгтэйг мэддэг, зөвхөн сайныг л сонгодог. Ийм учраас та аливаа удирдан зохицуулах албыг сайн гүйцэтгэж, яаралтай нөхцөл байдалд зөв шийдвэр гаргаж чаддаг.  Мөн та сайхан ааштай, ямар ч хүнтэй учраа зөв ололцдог, найз нөхөд олонтой.

Харин таны хамгийн том сул тал бол нарциссизм буюу өөрийгөө хэт дөвийлгөх үзэл, зарим тохиолдолд өөртөө хэт итгэлтэй байдал. 

2 Хоёр гараараа бөөцийлөх маягтай барьж байвал:

Та бол гайхалтай хамтрагч. Бусдын зовлонг ойлгодог, хүнийг сонсож чаддаг. Уян хатан, нээлттэй ааш араншингийнхаа ачаар та хамтрагч нартайгаа хэл амаа амархан ололцож, бүлгийн уур амьсгалыг дээшлүүлэх чадвартай. Мөн та нөхцөл байдлын өөрчлөлтөд амархан дасан зохицож чадна.

Харин танд гардаг асуудал гэвэл олон хүнтэй бус ганцаараа ажиллах явдал. Багийн ажиллагаанаас та эрч хүч авдаг учраас ганцаараа ажиллахад хүндрэл гарах магадлалтай.

3 Бариулаас нь чанга атгаж барьдаг бол:

Та бол тайван амгалан бөгөөд хашир зангийн илэрхийлэл. Шударга бус явдлын хажуугаар зүгээр өнгөрдөггүй, сул доройг хамгаалахад байнга бэлэн байдаг. Таны дотор жирийн хүний адил бүхий л сэтгэл хөдлөл илрэх ч гаднаас тань хараад тэдгээрийг уншина гэж боломжгүй зүйл.

Та хүйтэн хөндий зантай учраас бусдаас тусгаарлагдах гээд байх хандлагатай. Тиймээс ядаж гэр бүл, найз нөхдийнхөө дунд илүү нээлттэй байж сэтгэл хөдлөлөө чөлөөтэй илэрхийлж байгаарай.

4 Ёроолоос нь барьдаг бол:

Та бол их болгоомжтой, хэрсүү хүн. Өөрийн үг, үйлдэлдээ хянуур хандаж, ямарваа асуудлыг логик талаас нь харж шийдвэрлэхийг эрмэлздэг. Хайр дурлалын асуудалд та зүрхийг биш тархийг чухалчилна. Ганцаараа байж чаддаггүй, ямар ч үед бусадтай хамт байхыг зорьдог. 

Сул тал гэвэл та алдаа гаргахаас айж, дотоод бодолдоо хэт захирагддаг тул олон боломж, тэдгээрээс үүдэх баяр хөөрийг цааш нь түлхдэг байх магадлалтай.

5 Нэг гараараа бариулаас нь, нөгөө гараараа түших маягтай барьдаг бол:

Та маш эмзэг мэдрэмтгий бөгөөд сэтгэлийн хөдөлгөөнтэй хүн. Бусдын үг, үйлдлийг ихээр тусгаж авдаг, тэдний ердийн хандлагад дургүйцэж байдаг. Таныг ойлгож, этгээд хачирхалтай байдалтай тань нийцдэг хүмүүс бол зөвхөн таны найзууд. Танд анхаарал халамж ихээр хэрэгтэй. 

Заримдаа таны энэ хэт мэдрэмтгий байдал бусдад таныг хүүхдэрхүү харагдуулах магадлалтай. 

6 Ирмэгээс нь барьдаг бол:

Та тав тухыг эрхэмлэдэг хүн. Үргэлж эрч хүчээ нөөцлөх байдалтай, жижиг асуудлуудад огт анхаарал хандуулдаггүй. Адал явдалтай тулгарахад үргэлж бэлэн, ядарч цуцдаггүй. Мөн та бол хараат бус байдлын амьд жишээ. 

Таныг хүндрэлтэй нөхцөл байдалд оруулж мэдэх ганц зүйл бол бодлогогүй, алсын хараагүй үйлдэл.