1
«Фиеста», Fiesta
"Pantone"-ны хамгийн хурц өнгө бол "Fiesta" буюу час улаан өнгө юм. Энэхүү өнгө нь биений өнгө болон тод өнгөтэй гайхалтай хосолдог бөгөөд цэнхэр өнгөтэй хослуулж ч болно. Тиймээс хүн бүрийн дасал болсон хар болон улаан өнгөний хослолыг мартах цаг болжээ.
2
«Ягаан тогос», Pink Peacock
"Pink Peacock" өнгө нь чернилэн ягаан, неон цэнхэр эсвэл бараан ногоон өнгөтэй хосолдог. Үүнээс гадна дангаараа ч загварлаг, эмэгтэйлэг дүрийг бүтээж чадна. Ялангуяа геометрийн хэлбэр дүрсний зурагтай даавуу "Pink Peacock" өнгөтэй төгс зохицно.
3
«Гүнжийн цэнхэр», Princess Blue
"Princess Blue" өнгийг та хүссэн өнгөтэйгөө хослуулж болох бөгөөд 2019 онд эмэгтэйчүүдийн хувьд ийм өнгийн оверсайз буюу том хэмжээтэй пиджак моодонд орох гэнэ. Тиймээс та илүү даруухан, эмэгтэйлэг харагдахыг хүсвэл Кембрижийн гүнж Кейт Миддлтон шиг хувцаслахыг санал болгож байна.
4
«Чихэрлэг хөх ягаан», Sweet Lilac
Энэ бол "Pantone" загварын компаниас гаргасан хамгийн сэтгэл татам, романтик өнгө юм. Түүнчлэн энэ өнгө нь бүх төрлийн цэнхэр болон хөх ягаан өнгөтэй төгс зохицдог бөгөөд сул цамц, даашинз, өмд гээд бүх загварт тохиромжтой.
5
«Амьд шүр», Living Coral
Энэ өнгө арьсны өнгийг илүү тодотгож өгдөг. Тиймээс хурц тод өнгөтэй хослуулах хэрэггүй. Хэрэв бага зэрэг өөрчлөлт оруулахыг хүсэж байвал металл, эсвэл хар өнгө нэмж болно.
6
«Шогч улаан», Jester Red
Энэ өнгө нь баян тансаг, чамин байдлыг илэрхийлдэг. Тиймээс хар хөх, сүүн цагаан, хар бор өнгөтэй хослуулахад тохиромжтой.
7
«Террариум хөвд», Terrarium Moss
Гүн ногоон өнгөтэй хувцас хүн бүрт зохино. Тиймээс энэ өнгөөр зөвхөн тансаг зэрэглэлийн гэлтгүй энгийн загваруудыг ч олон гардаг.
8
«Куркума», Turmeric
"Turmeric" өнгийг үндсэн өнгө болгож ашиглах нь илүү тохиромжтой. Жишээлбэл: урт даашинз, оверсайз нэхмэл цамц, хамба хилэн банзал, гоёл чимэглэл гэх мэт. Жийнсэн цэнхэр өнгөтэй төгс хослох болно.
9
«Чинжүүний иш», Pepper Stem
Энэ өнгө нь хаврын эрч хүчийг мэдрүүлэх болно. Гэхдээ нэг дор ногоон өнгийн олон хувцас өмсөх хэрэггүй. Түүний оронд бэйж болон саарал өнгөтэй хослуулсан нь зүгээр. Тод өнгийг бага хэмжээтэйгээр оруулахад хангалттай. "Pepper Stem" өнгөтэй кардиган, даашинз, свитшот, жемпер сайхан харагддаг.
10
«Алтан улиас», Aspen Gold
Хэдийгээр маш тод мэт санагдах ч өвөл, зун ямар ч тохиолдолд өмсөх боломжтой. "Pull & Bear", "Bershka" брэндийнхэн энэ өнгөөр маш олон загвар гаргасан байдаг. Энгийн өдрүүдэд тод шаргал өнгийг гүн өнгөтэй хослуулбал зүгээр.
11
«Тоффи», Toffee
Зөөлөн бор буюу тоффи өнгө нь хар хөх, маргад, хар ногоон өнгөтэй сайхан зохицно. Үүнээс гадна тоффи өнгийн торгон цамц сайхан харагддаг.
12
«Мохито манго», Mango Mojito
Хэрвээ та "Mango Mojito" өнгийг сонгохоор шийдсэн бол кардиган, пальто, цамц зэргийг сонгоорой. Энэ өнгөнд төгс хослох өнгө нь хатан хааны цэнхэр өнгө юм.
