1 Нөхөн төлбөр шаардах

Чанаргүй үйлчиллгээ, амтгүй шөл, хугацаа нь дууссан бараа бүтээгдхүүн гээд гомдол мэдүүлмээр зүйл алийг тэр гэхэв. Ийм үед эхлээд сэтгэл дундуур байгаагаа илэрхийлээд дахин хийж өгөхийг хүсэх хэрэгтэй гэж мэргэжилтнүүд зөвлөж байна. Нөхцөл байдлыг цаад хүмүүс чинь засч сайжруулахгүй бол нөхөн төлбөр шаардах хэрэгтэй. Нөхөн төлбөр шаардах хэлбэрүүд:

• Тухайн зүйлийг дахин хийж гүйцэтгэх
• Бараагаа эргүүлэн өгөх
• Хямдруулах юм уу, урамшуулал, бэлгийн карт авах
• Санхүүгийн нөхөн төлбөр
• Энэ бүхнийг тухайн байгууллагын менежэр юм уу, байгууллагын эзэн шийдэх нь мэдээж юм.

2 Эс үйлдэл

Гэрээлсэн ажил бүтээгдхүүнийг тань хийж гүйцэтгээгүй бол та ичиж нэрэлхэлгүйгээр цаад байгууллагадаа хандах ёстой. Хөдөлмөрийн бүтээмжийн дээшлүүлэх тухай их ярьдаг атлаа бид өөртөө санаа тавихаа мартаад байдаг улс.

3 Хов живт оролцохоос татгалзаж бай

Найз нөхөд, ажлын хамт олон дунд тэдний ярианд оролцох, ялангуяа хэн нэгний тухай ярихад оролцохгүй байх нь тэдний дунд нэр хүндээ алдах юм шиг санагдах нь бий. Гэхдээ ийм хов живд оролцохгүй татгалзах нь онцгүй юм шиг боловч та өөрийнхөө байр суурь нэр хүндийг аварч байгаа хэрэг шүү дээ.

4 Алба амины ажлыг зааглаж сур

Оройн 18:00, 19:00 цагаас хойш ажил хэргийн  асуудлаар ярьж, төвөг удах явдал бишгүй нэг. Ийм үед эвтэйхэн татгалзаж сур. Барууны сэтгэлзүйчид алба амины цагийг зааглаж сурах нь  хувиа хичээсэн зүйл огт биш гэж үздэг байна.

5 Өөрийнхөө байранд л суу

Онгоц, галт тэргээр зорчих үед суудлаа сольчих уу гэсэн хүн нэг биш таардаг. Тэр хүнд ямар ч шалтгаан байлаа гэсэн өөрөө л хүсэхгүй байгаа бол суудлаа солих хэрэггүй. Эцсийн эцэст хэн ч гэсэн өөрт хэрэгтэй, тааламжтай суудлаа эхнээсээ л захиалах ёстой шүү дээ.

6 Албан тушаал ахиулахыг шаардах

Өнөөдөртөө болж л байна хэмээн бодож, яг одоо байгаа албан тушаалдаа хэвээр байхыг боддог хүн бий. Хэрэв та өөрийнхөө хүч бололцоо, чадварт найдаж, хамт олонтойгоо эвтэй найртай байдаг бол удирдлагадаа өөрийгөө албан тушаал ахиул гэж шаардах эрхтэй. Үүнээс ичиж нэрэлхэх хэрэггүй. Тэгээд ч танд арай дээгүүр ажил сонирхолтой л байгаа шүү дээ.

7 Өмгөөлөгчийн үүргээс татгалзах

Найз чинь өдөр бүхэн утасдаад, өөрийнхөө амьдралын талаар зовлон тоочоод л байвал ямар вэ. Найз нөхөд гэдэг чинь баяр баясал, сайн сайхны төлөө байх ёстой биш билүү. Яахав тусалж болно, гэхдээ зөвөөр туслах хэрэгтэй.

• Ойр дотны хүнээ эрсдэлээс хамгаалах
• Сэтгэлийг нь зассан ажил хэрэгч зөвлөгөө өгөх
• Гэр бүлээ сэтгэл зүйн талаар таатай байлгахыг мартахгүй байх

Ийм харьцааны дараа та ч өөрөө сэтгэл хангалуун, таатай байх болно.

8 Өөрөө өөрийнхөө л төлөө амьдар

Бусдын төлөө амьдарна гэдэг нэг талаас сайхан ч бас аймшигтай үр дагавартай байх нь байдаг. Сэтгэлзүйн талаас авч үзвэл өөрийн хүсэл эрмэлзэл, мөрөөдлөө  нөхцөл байдалд зөв хуваарилж түүнд нөлөөлж байгаа хэрэг. Гэхдээ сэтгэлзүйчид өөрийгөө үнэлдэг идэвхтэй хүмүүс юун түрүүнд аз жаргалтай гэр бүл, сайн эцэг эх байхын төлөө хичээж амьдардаг гэдэгт итгэлтэй байдаг.

9 Олон нийтийн саналаас айх хэрэггүй

Сэтгэл хөдлөл, үзэл бодлоо илэрхийлэх эрх чөлөө, өөрийгөө илэрхийлэх мэдрэмж бол хүчирхэг хүний л шинж. Ийм хүмүүс өөрийнхөө санааг шууд хэлчихдэг.  Тэд сонирхолтой биш хүмүүстэй уулзах, өөрийн санааг тойруулалгүй шууд илэрхийлэх, инээдтэй харагдах гэх мэт зүйлсэээс ичиж зовоод байдаггүй.