Үйл ажиллагаагаа явуулаад удаагүй ч "Bikini Beans Espresso"-гийн салбар Финикс, Техас, Аризона мужуудад нээгдээд байгаа юм байна. Эндхийн ажилчид бүгд усны хувцас, эсвэл халуухан харагдахуйц дотуур хувцас өмсөх ёстой. Кофе шопын удирдлагуудын энэ шийдвэрт үйлчлүүлэгчид ихэд баяртай байгаа гэнэ.

Мэдээж хэрэг ийм үйлдэл хэл ам дагуулалгүй яахав. Тухайлбал, хотын зөвлөлийн гишүүн Майк Фаган тэдний энэ үйлдэл эмэгтэйчүүдийн эрхийг зөрчиж байна хэмээн мэдэгдэж олон нийтийн үйлчилгээний байгууллагын ажилтнууд дотуур хувцастайгаа хүмүүст үйлчлэхийг хуулиар хориглохыг санал болгожээ. Түүний саналыг  хэн ч дэмжээгүй байна.

Гэхдээ зарим үйлчлүүлэгчид гомдол мэдүүлсээр байгаа учраас" Bikini Beans Espresso" өөрсдийн вэбсайт дээрээ "Манайх АНУ дахь анхны усны хувцастай кофе шопыг байгуулж, эмэгтэйчүүдэд нууж хаах зүйлгүй, өөрсдийгөө бүрэн илэрхийлэх боломжийг олгосон болно. Түүнчлэн манай ажилчид одоогийн байгаа ажлын орчин нөхцөл, ажлын хувцсандаа сэтгэл хангалуун байдаг" гэж албан ёсоор мэдэгджээ. 

Эцсийн эцэст ямар ч хэл ам хийсэн тус кофе шопоор үйлчлүүлэх хүмүүсийн цуваа тасралтгүй нэмэгдэж байгаа гэнэ.