Тус жүжгийг тоглосноор  хүүхэд багачууд жүжгийн баатруудтай хамтдаа дуулж бүжиглэн цагийг үр бүтээлтэй  өнгөрүүлсэн байна. Мөн  өнгөрсөн амралтын өдрүүдэд  олон улсын хүүхдийн найрамдал  зусланд  очин 730 гаруй  хүүхэд багачуудад эрдэст  усны ач тусыг ойлгуулахыг  зорилгоо болгосон “Бугандайн Тус”  хүүхдийн жүжгийг тоглосон  бол тус жүжиг нийтдээ одоогоор 3000 гаруй хүүхэд багачуудад хүрээд байна.

Үүнчлэн энэ сарын эхээр болсон олон улсын  хүүхдийн эрхийг хамгаалах өдрөөр Улаанбаатар  их дэлгүүр, Зайсан хилл,  Үндэсний  цэцэрлэгт  хүрээлэнгийн  задгай  талбайд тус жүжгийг үнэгүй  тоглож  хүүхэд багачууддаа бэлэг барьсан. Тус  үйл ажиллагаа   одоог хүртэл үргэлжилсээр байгаа төдийгүй  зуны амралтаа нийслэлийн харьяаны хүүхдийн  зусланд өнгөрүүлж  байгаа хүүхэд бүртэй  “Бугандайн Тус” хүүхдийн жүжгийн баатрууд хэзээ ч  уулзаж болзошгүй  гэдгийг “Жем Хужирт” компанийн ах эгч  нар нь хэлж  байна.