1 ХҮЙТЭН УС

Хүйтэн ус нь зуны халуун өдрүүдэд уухад маш сайхан санагдах болно. Нэг стакан хүйтэн усан дээр мөс нэмж ууснаар бие сэргэж, идэвхитэй болох боловч гаж нөлөө, муу үр дүн бас гардаг байна. 

1. Хоол боловсруулалтанд муугаар нөлөөлнө

Хүйтэн ус ууснаар таны судас нарийсаж, хоол боловсруулах чадварыг бууруулдаг. Ингэснээр гэдэс хатгуулж өвдөх, түгжрэл болох зэрэг асуудал үүснэ. 

2. Эрч хүч сорно

Таны уусан хүйтэн усыг дундаж температуртай болгохын тулд бие илүү их энерги зарцуулах болно. Хүйтэн ус уухгүй байхын бас нэгэн шалтгаан бол энэ юм. 

3. Зүрхний цохилтыг багасгадаг

Хүйтэн ус ууснаар зүрхний цохилт буурч, хүний биеийн мэдрэлийн тогтолцоонд нөлөө үзүүлдэг байна. Усны бага температур нь зүрхний цохилтны тоог багасгахад хүргэдэг аж. 

4. Биенд залхаг үүсгэдэг

Хүйтэн шингэн ууснаар биен дэхь залхаг сунаж тэлдэг байна. Дархлааны тогтолцоо муудаж, нус гойжих, цэр гарах зэрэг эвгүй нөхцөл байдал үүсэх болно. 

2 ХАЛУУН УС

25 градус болон түүнээс дээш градус бүхий ус нь халуун бүлээнд тооцогдох бөгөөд бид дан усыг иймэрхүү халуунаар нь уудаггүй. Ихэвчлэн халуун цай, кофе уудаг. Гэвч халуун ус ууснаар олон давуу талтай байдаг. 

1. Биеэс хорт бодисыг гадагшлуулна

Халуун ус өглөө уух нь биед цугласан өвчин үүсгэх магадлалтай хорт бодисуудыг гадагшлуулах сайн талтай. Илүү хурдан нөлөөллийг нь мэдрэхийг хүсвэл усандаа нэг зүсэм лимон нэмээрэй. Витамин Ц нь эд эсүүдийг сэргээх үйлчилгээтэй.

2. Өвчин намдаана

Толгой өвдөлт, сарын тэмдгийн үеийн өвдөлтийг намдаах бөгөөд цусны эргэлтийг сайжруулдаг юм. Булчин, шөрмөс татсан үед халуун ус ууснаар тавирхад тусладаг байна. 

3. Стресс бууруулна

Ганцхан халуун усанд орсноор стресс тайлагддаг юм биш шүү. Уур бухимдал ихээр төрсөн үедээ нэг аяга халуун ус уугаад үзээрэй. Энэ нь төв мэдрэлийн тогтолцоог зөв ажиллахад туслах юм. Кортисол нь стрессийн гормоны нэг бөгөөд хүний биед шингэн дутагдах үед ялгардаг аж. 

4. Жин хасахад нөлөөлнө

Ус уух нь жин хасахад тусладаг гэдгийг бид мэднэ. Гэхдээ халуун бүлээн ус ууснаар таны хоол боловсруулах тогтолцоо бүрэн идэвхжидэг байна. Халуун ус нь биеийн температурыг өсгөх бөгөөд бие тань энэхүү ялгаатай температурыг нөхөх гэж калори шатааж эхэлдэг байна. 

5. Цусны эргэлтийг сайжруулна

Халуун бүлээн шингэн зүйл ууснаар цусны эргэлт сайжирдаг. Цусны эргэлт хэвийн байх нь эрүүл биетэй байхын үндэс бөгөөд зүрх судасны өвчин үүсэхээс сэргийлдэг байна. 

6. Өтгөн хатахаас сэргийлнэ

Өтгөн хатах нь шингэний дутагдалтай шууд холбоотой. Ус нь ходоод гэдэсний үйл ажиллагааг явуулахад чухал үр нөлөөтэй билээ. Тиймээс ялангуяа халуун ус ууснаар гэдэсний гүрвэлзэх хөдөлгөөн сайжирдаг байна. 

7. Хөгшрөлтөөс урьдчилан сэргийлнэ

Эрт хөгшрөх нь эмэгтэйчүүдийн хувьд хар дарсан зүүд гэдэгтэй та санал нийлэх байх. Биенд цугларсан хорт бодисын улмаас цагаасаа эрт хөгшрөлт явагдах бөгөөд халуун шингэн нь энэхүү хорт бодисыг биеэс гадагшлуулж, хөгшрөх үйл явцыг удаашруулдаг байна.