1
Попкорн
Тосгүй, сахаргүй бэлтгэсэн попкорн ердөө 31 ккал байдаг гэнэ. Тиймээс та попкорныг хүссэн хэмжээгээрээ идсэн ч огт таргалахгүй. Дуртай киногоо үзэнгээ, попкорн идэж, үдшийг сайхан өнгөрүүлээрэй.
2
Яншуй
Яншуйны 95% ус байдаг. Тиймээс яншуйг хэрэглэснээр илүүдэл жингээсээ салах төдийгүй шээс хөөлгөдөг учир биеийнхээ хорыг гадагшлуулах боломжтой.
3
Хаш
Утсан хашыг та хүссэнээрээ идэх боломжтой. Ил гал дээр тосгүй шарсан хаш ердөө 24 ккал байдаг гэнэ.
4
Жүрж, грейпфрут, мандарин
Илүүдэл жинтэй тэмцэхийн тулд жимсийг их хэмжээгээр идэхийг хориглодог ч, энэ нь бэрсүүт жимсний төрөлд багтдаггүй. Бэрсүүт жимс нь эслэгээр баялаг учир хоол боловсруулах системийг сайжруулдаг аж. Тиймээс жин хасахад нөлөөлнө. Үүнээс гадна эслэг нь өлсөх мэдрэмжийг маш удаан дардаг. Бэрсүүт жимсэнд агуулагдах флавоноид нарингенин нь илүүдэл жин үүсэхээс сэргийлж, илүүдэл өөхийг биеэс гадагшлахад тусалдаг байна. С амин дэм нь байгалийн коллаген үүсэхэд нөлөөлдөг учир арьсыг илүү толигор, целлюлитгүй болоход нөлөөлнө.
5
Тарвас болон амтат гуа
Тарвас болон амтат гуа нь ердөө 60-70 ккал байдаг учир бүтэн өдрийн турш идсэн ч болно. Эдгээр жимс нь биеэс илүүдэл шингэнийг гадагшлуулж, цатгалан мэдрэмжийг төрүүлдэг.
6
Далайн замаг
Далайн замаг нь йодоор баялаг учир бамбай булчирхайн системийг зөв ажиллахад нөлөөлдөг. Үүний ачаар дааврын хэмжээ энгийн байх учир жингийн илүүдлийн тал дээр санаа зовох зүйлгүй гэсэн үг.
7
Хурган гуа
Хурган гуа нь биеийн ус болон давсны балансыг тэнцвэржүүлдэг бөгөөд энэ нь илүүдэл жингээ хаяхад маш тустай. Үүнээс гадна хурган гуа нь ердөө 42 ккал илчлэгтэй. Хурган гуа нь гэдэсний гүрвэлзэх хөдөлгөөнийг сайжруулдаг бөгөөд хоёрдугаар хоолны илчлэгийг мөн багасгадаг байна.
8
Өргөст хэмх
Илүүдэл жингээ хасахыг хүссэн хүн бүрт нэн тохиромжтой бөгөөд өргөст хэмх нь хавантай тэмцэж, эрүүлээр турахад нөлөөлнө.
9
Хүрэн манжин
Хүрэн манжин нь микроэлемэнтүүдийн эх үүсвэр бөгөөд жин хасахад онцгой нөлөөтэй, цусны элсэн чихрийн хэмжээг тохируулж, булчингийн үйл ажиллагааг дэмждэг марганц агуулагдсан байдаг. Хүрэн манжинг жигнэж, түүхийгээр нь салатанд хийж, шүүс гаргаж авч ч болно. Дунджаар 40 ккал агуулдаг.
10
Өндөг
Хүссэн үедээ, хэзээ ч хамаагүй идэж болох бөгөөд огтхон ч жин нэмэхгүй. Мэдээж чанаж идэх нь эрүүл мэндэд тустай.
11
Хан боргоцой
Жин хасахыг хүссэн хүмүүсийн хамгийн дуртай жимс байх болно. Хан боргоцойнд агуулагдах бромелаин нь өөхийг хайлуулж, уураг задлахад нөлөөлдөг.
12
Алим болон чавга
Нэг алим ердөө 50 ккал илчлэгтэй хэдий ч амархан цадах мэдрэмж өгч, хоол боловсруулах системийн үйл ажиллагааг дэмждэг байна. Үүнээс гадна С амин дэм болон кальциар баялаг учир зүрх судасны үйл ажиллагаанд ч сайнаар нөлөөлдөг.
13
Руккола
Руккола нь фолийн хүчлийн эх үүсвэр учир хүссэн хэмжээгээрээ идэж болно. Нэг ширхэг рукколагийн навч ердөө 3 ккал байдаг.
14
Жимсгэнэ: Үхрийн нүд, бөөрөлзгөнө, цангис
Үхрийн нүд болон цангист агуулагдах их хэмжээний С амин дэм нь жин хасахад тустай. Мөн үхрийн нүд нь шээс хөөлгөх үйлчилгээтэй учир биеийн илүүдэл шингэнийг гадагшлуулж, хаван үүсэхээс сэргийлдэг. Бөөрөлзгөнө нь зүрх судасны үйл ажиллагаанд сайнаар нөлөөлж, хоол боловсруулах эрхтний үйл ажиллагааг сайжруулдаг байна.
15
Өнгөт байцаа, цагаан байцаа, брокколи
Бүх төрлийн байцаа нь гоолиг хүмүүсийн цорын ганц үнэнч хамтрагч юм. Нэг порц байцаа нь 7 ккал илчлэгтэй бөгөөд байцаагаар төрөл бүрийн хоол, салат хийж болно. Гэхдээ өдөржингөө байцаа идэх хэрэггүй. Учир нь байцаанд агуулагдах бодис нь йодын шингэлтэнд муугаар нөлөөлдөг. Иймд долоо хоногт 2-3 удаа байцааг хоолондоо хэрэглэх нь зөв.
Эцэст нь сайн мэдээ дуулгахад...
Хэрвээ та турахыг хүсэж байвал унтахаасаа 3-4 цагийн өмнө оройн хоолоо идэхэд таргалах асуудал байхгүй. Жишээлбэл: Та 23:00 цагт унтдаг бол оройн хоолоо 19:00 цагт идэж болно. Хэрвээ 24:00 цагт унтдаг бол оройн хоолоо 20:00 цагт ч идэж болно шүү дээ.
