Эрдэмтэд саяхан нүдний эд эсийн дахин сэргээх шинэ технологи боловсруулжээ. Уг санааг анх Японы Кёото их сургуулийн эрдэмтэн Шиняа Яманака гаргасан байна. Эл ажлаараа 2012 онд Яманака болон Английн биологич Жон Гурдон нар Нобелийн шагнал хүртжээ. Эс нь өөрийгөө дахин төлжүүлэх чадвартай болохыг Яманака болон түүний хамтрагчид илрүүлсэн бөгөөд эдгээр дахин төлжих чадвартай эсүүдээр эд эрхтэн ургуулах, нөхөн төлжүүлэх эм зэргийг бүтээж чадах аж. Эрүүл мэндийн салбарт дутагдаж буй томоохон асуудал нь эд эрхтний донор хомс байдаг явдал юм. Тэгвэл уг нээлтийн ачаар хүссэн эд эрхтнээ ургуулах боломжтой болсноор шинжлэх ухааны салбарт томоохон дэвшлийг авчраад байна.

Осака болон Кардиффийн их сургуулийн эрдэмтэд хараагүй туулайн нүдний эвэрлэгийн бүрхэвчийг амжилттай шилжүүлэн суулгасан байна. Физик-химийн анагаах ухааны хүрээлэнгийн эрдэмтэд ижил төстэй туршилтыг явуулсан бөгөөд арьсны эд эсийг дахин төлжүүлэх замаар боловсруулж, нүдний торлог бүрхэвчинд амжилттэй суулгасан аж. Энэ нээлтийн ачаар цаашид хэдэн хүн хараа орж хэр их хүн бүтэн эд эрхтэнтэй болохыг таашгүй юм.